From Wikipedia, the free encyclopedia
Vilhjálmur og Elly Vilhjálms er 33 snúninga LP hljómplata gefin út af SG - hljómplötum árið 1969. Á henni flytja systkinin Vilhjálmur og Elly Vilhjálms tólf lög.
Magnús Ingimarsson hefur útsett lögin, hann leikur einnig á píanó og orgel auk þess sem hann stjórnar hljómsveit og kór. Hljóðritun fór fram hjá Ríkisútvarpinu undir stjórn Knúts Skeggjasonar. Forsíðumynd tók Óli Páll Kristjánsson.
Hljómplatan var endurútgefin á hljómdiski af Íslenskum Tónum árið 2006 með nýrri kápumynd og heitinu Vilhjálmur og Elly Vilhjálms - Systkinin syngja saman. Árið 2009 var platan valin í 43. sæti yfir 100 bestu plötur Íslandssögunnar af notendum Tónlist.is.
Um svipað leyti og Elly Vilhjálms söng inn á sína síðustu hljómplötu árið 1965 söng Vilhjálmur bróðir hennar inn á sína fyrstu plötu.
Það er sömu sögu að segja af öllum þeim hljómplötum, sem Vilhjálmur hefur sungið inn á síðan og hljómplötum Ellyar, að þœr hafa allar orðið vinsœlar og í hópi söluhœstu hljómplatna á Íslandi. Og eru þau systkinin reyndar með tvær söluhœstu plötur, sem út hafa komið á Íslandi, Elly með lagið Brúðkaupið og Vilhjálmur með lagið Litla sœta ljúfan góða. Þeirri hugmynd hefur stöku sinnum skotið upp kollinum að þau Elly og Vilhjálmur syngju saman á plötu, en ekki orðið úr framkvœmdum fyrr en nú. Á þessari plötu syngja þau sex lög saman, síðan syngur Elly þrjú lög og Vilhjálmur önnur þrjú. Lögin hafa flest verið valin með það í huga að þau hœfðu röddum þessara kunnu söngvara og kennir þar því margra grasa, elzt er Ramóna, sem var samið 1927 og yngst er líklega Ljúfa líf, eða The Two Of Us, sem er rétt árs gamalt. |
||
— Svavar Gests |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.