![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/77/Storeb%25C3%25A6ltsbroen_from_Sj%25C3%25A6lland.jpg/640px-Storeb%25C3%25A6ltsbroen_from_Sj%25C3%25A6lland.jpg&w=640&q=50)
Stórabeltistengingin
From Wikipedia, the free encyclopedia
Stórabeltistengingin, oft aðeins kölluð Stórabeltisbrúin, er vegtenging milli dönsku eyjanna Sjálands og Fjóns yfir Stórabelti. Tengingin liggur milli Krosseyrar á Sjálandi og Nýborgar á Fjóni með viðkomu á smáeyjunni Sprogø og kom í stað ferjutengingar fyrir lestir, bíla o.fl. sem hafði verið starfrækt milli Krosseyrar og Nýborgar síðan 1883. Vegtengingin er í eigu ríkisfyrirtækisins A/S Storebæltsforbindelsen sem innheimtir vegtoll af henni. Tengingin nær yfir þrjú mannvirki: Austurbrúna (hina eiginlegu Stórabeltisbrú) sem er um 6,8 km löng kassabrú með 1,6 km hengibrú í miðju, Vesturbrúna sem er 6,6 km löng kassabrú fyrir bíla og járnbraut, og Austurgöngin sem eru um 8 km löng járnbrautargöng. Framkvæmdir hófust árið 1988 og brúin var opnuð 14. júní 1998. Þetta var stærsta byggingarframkvæmd í danskri sögu. Heildarkostnaður við verkefnið var þá 21,4 milljarðar danskra króna á verðlagi ársins 1988. Milli 10 og 11 milljón bílar og bifhjól fara yfir brúna á hverju ári. Engin hjólabraut er yfir brúna fremur en Eyrarsundsbrúna sem tengir Danmörku og Svíþjóð.
![Thumb image](http://upload.wikimedia.org/wikipedia/commons/thumb/7/77/Storeb%C3%A6ltsbroen_from_Sj%C3%A6lland.jpg/640px-Storeb%C3%A6ltsbroen_from_Sj%C3%A6lland.jpg)
Bygging tengingarinnar hófst með byggingu Vesturbrúarinnar milli Fjóns og Sprogø og Austurgangnanna, járnbrautargangna frá Sjálandi til Sprogø. Ákveðið var að setja járnbrautartenginguna í forgang. Austurbrúin var reist milli 1991 og 1998. Miðhluti hennar er þriðja lengsta hengibrú veraldar.