![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/52/The_road_bridge_at_Stamford_Bridge_over_the_River_Derwent.jpg/640px-The_road_bridge_at_Stamford_Bridge_over_the_River_Derwent.jpg&w=640&q=50)
Stanfurðubryggja
From Wikipedia, the free encyclopedia
Stanfurðubryggja eða Stafnfurðubryggja (enska: Stamford Bridge) er þorp á Englandi, um það bil 11 kílómetra frá Jórvík (York). Haraldur 3. harðráði féll í orrustu við Harald Guðinason við Stanfurðubryggju, þann 25. september 1066. Þar er minnismerki um orrustuna, sem var afdrifarík í sögu Englands og Noregs, og markaði endalok víkingaaldar.
![Thumb image](http://upload.wikimedia.org/wikipedia/commons/thumb/5/52/The_road_bridge_at_Stamford_Bridge_over_the_River_Derwent.jpg/320px-The_road_bridge_at_Stamford_Bridge_over_the_River_Derwent.jpg)
Þorpið eða bærinn stendur við ána Derwent, sem var farartálmi, en á þessum stað var vað á ánni, og síðar brú. Rómverjar komu upp virki á þessum stað um 70 e.Kr. og byggðist síðar upp þorp á staðnum.
Upphaflegt nafn var Stanford bridge, það er steinvaðsbrú, en breyttist síðar í Stamford bridge. Ritháttur nafnsins er breytilegur í fornum íslenskum heimildum. Í Morkinskinnu stendur „Stanfurðubryggja“, í Fagurskinnu „Stannforðebryggja“, í Heimskringlu „Stanforðabryggjur“ og í síðari handritum „Stafnfurðo-“ eða „Stafnforðobryggjur“. Rithátturinn Stanfurðubryggja virðist því einna elstur.