![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e1/PSM_V34_D323_The_compensating_binnacle.jpg/640px-PSM_V34_D323_The_compensating_binnacle.jpg&w=640&q=50)
Segulskekkja
From Wikipedia, the free encyclopedia
Segulskekkja er skekkja sem stafar af segulmögnuðu járni í námunda við áttavita, til dæmis járni í skrokki skips eða flugvélar. Skekkjan er mæld sem hornið milli segulnorðurs og kompásnorðurs. Ef áttavitinn er fastur á tilteknum stað (til dæmis í nátthúsi) er hægt að mæla segulskekkjuna og leiðrétta fyrir henni. Í föstum áttavitum eru oft leiðréttingartæki úr deigjárni. Þannig eru hefðbundin nátthús gjarnan búin flindersstöng og/eða kúlum með deigjárni til að draga úr segulskekkju.
![Thumb image](http://upload.wikimedia.org/wikipedia/commons/thumb/e/e1/PSM_V34_D323_The_compensating_binnacle.jpg/640px-PSM_V34_D323_The_compensating_binnacle.jpg)
Segulskekkja er eitt af því sem leiðrétta þarf fyrir þegar lesið er af áttavita, ásamt misvísun milli segulnorðurs og rétts norðurs, og staðbundnum segultruflunum sem stafa af missterku segulsviði í jarðskorpunni.