![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/ff/World_map_with_arctic_circle.svg/langis-640px-World_map_with_arctic_circle.svg.png&w=640&q=50)
Norðurheimskautsbaugur
From Wikipedia, the free encyclopedia
Norðurheimskautsbaugur afmarkar það svæði á norðurhveli jarðar þar sem sólin getur horfið undir sjóndeildarhringinn í heilan sólarhring eða lengur að vetrinum, en getur þá jafnframt verið sýnileg samfellt í heilan sólarhring eða lengur að sumrinu, þannig að sjá megi miðnætursól. Sams konar baugur, suðurheimskautsbaugurinn, er á suðurhvelinu.
![Thumb image](http://upload.wikimedia.org/wikipedia/commons/thumb/f/ff/World_map_with_arctic_circle.svg/640px-World_map_with_arctic_circle.svg.png)
Skilgreiningin sýnist einföld en margt flækir málið. Fólk víða á Norðurlandi getur borið vitni um það að sólin hverfur ekki undir sjónarrönd dögum saman kring um sumarsólstöður, þó liggur baugurinn langt norður í hafi. Ástæðan fyrir þessu er sú að skilgreining baugsins miðast við að athugandinn sé við sjávarmál og tekur ekki tillit til ljósbrots í gufuhvolfi jarðar. Ljósbrotið veldur því að miðnætursól getur sést tugi km sunnan heimskautsbaugs og raunar yfir 100 km ef farið er til fjalla.