bandarískur leikari From Wikipedia, the free encyclopedia
Neil Patrick Harris (fæddur 15. júní 1973) er bandarískur leikari og töframaður. Hann er þekktastur fyrir aðalhlutverkin í Doogie Howser, M.D., sem og kvennabósinn Barney Stinson í How I Met Your Mother. Einnig er hann þekktur fyrir leik sinn í Harold & Kumar-myndunum þar sem hann leikur sjálfann sig. Hann var einnig kynnirinn á 61 Tony Verðlaununum sunnudaginn 26. apríl 2009.
Neil Patrick Harris | |
---|---|
![]() Harris árið 2014. | |
Upplýsingar | |
Fæddur | Neil Patrick Harris 15. júní 1973 |
Maki | David Burtka |
Helstu hlutverk | |
Barney Stinson í How I Met Your Mother |
Harris fæddist í Albuquerque í New Mexico í Bandaríkjunum og ólst upp í Ruidoso í sama fylki. Hann á eldri bróður sem heitir Mark og byrjaði Neil að leika vegna þess að hann elti bróður sinn í áheyrnarprufu í fjórða bekk þar sem hann fékk síðan hlutverk Toto í skólauppsetningu af Galdrakarlinum í Oz. Hann gekk í La Cueva menntaskólann í Albuquerque og var alltaf virkur í leikritum og söngleikjum. Harris var frábær nemandi og útskrifaðist með sóma árið 1991. Hann var þremur árum á undan skólafélaga sínum Freddie Prinze Jr.
Harris byrjaði ferill sinn sem barnaleikari og var hann uppgvötaður af Mark Medoff í leiklistarbúðum í Las Cruces í New Mexico. Medof fékk hann til að leika í myndinni Clara's Heart árið 1998 með Whoopi Goldberg og fékk hann Golden Globe tilnefningu. Árið 1998 lék hann einnig í Purple People Eater, sem var barna-fantasía. Árið eftir náði hann aðalhlutverki í Doogie Howser, M.D., og var hann aftur tilnefndur til Golden Globe verðlaunanna. Eftir að fjórða þáttaröð Doogie Howser endaði árið 1993, lék Harris nokkur gestahlutverk í sjónvarpi, áður en hann tók að sér hlutverk í kvikmynd sem fullorðinn maður í myndinni Animal Room. Síðan þá hefur kvikmyndaferill hanns innhaldið aukahlutverk í myndum eins og The Next Best Thing, Undercover Brother, Starship Troopers og svo í Harold & Kumar Go to White Castle og Harold & Kumar Escape from Guantanamo Bay en í báðum myndunum lék hann uppdópaðan, og tilbúna útgáfu af sjálfum sér.
Frá 1999 til 2000 lék Harris með Tony Shalhoub í grínþættinum Stark Raving Mad, sem entist í 22 þætti. Hann hefur leikið aðalhlutverk í fjórum myndum.
Harris hefur unnið á Broadway í bæði söngleikjum og dramatískum hlutverkum. Hann lék Tobias Ragg árið 2001 í tónleikaútgáfu af Sweeney Todd. Árið 2002 lék hann með Anne Heche í Proof. Árið 2003 tók hann hlutverk Emcee í Cabaret að sér með Deboruh Gibson og Tom Bosley.
Árið 2004 lék hann tvöfalt hlutverk í Balladeer og Lee Harvey Oswald á Broadway í tónlistarútgáfu af Assassins. Hann söng einnig hlutverk Charles (fyrst leikinn af Anthony Perkins) í upptöku Nonesuch í Evening Primrose. Hann hefur einnig leiki Mark Cohen í söngleiknum RENT. Núverandi hlutverk Neils er Barney Stinson í gamanþættinum How I Met Your Mother, kvennabósa sem færði honum Emmy-tilnefningar árin 2007 og 2008.
26. apríl 2009 var Harris kynnir á 7. árlegu Land-verðlaununum.
Harris var kynnir á 63 Tony-verðlaununum 7. júní 2009. Hann verður einnig kynnir á Primetime Emmy-verðlaununum þann 20. september 2009.
Harris mun leika í myndinni Beastly, með Alex Pettyferog Vanessu Hudgens. Hann mun leika blindan leiðbeinanda í skólanum. Myndin á að koma út 30. júlí 2010.
Hann mun einnig leika aðalhlutverkið í gamanmyndinni The Best and the Brightest sem áhyggjulaus faðir sem rífur fjölskyldu sína upp með rótum frá Delaware til fína hverfisins í New York City.
Í nóvember 2006 eftir að spurst hafði út um rómantískt samband á milli Harris og leikarans David Burtka á netinu, kom Harris út úr skápnum í People. Hann hafði verið samkynhneigður í einkalífinu og í leikhúsinu, en sagði, „Fjölmiðlar hafa alltaf verið góðir við mig, og þar til nýlega hafði ég átt nokkuð eðlilegt líf. En núna virðist það vera svo að áhugi á einkalífi mínu og samböndum hafi aukist. Svo, í staðinn fyrir að hunsa þá sem vilja birta skoðanir sínar án þess að tala við mig, mun ég vera tilbúinn til þess að svara öllum sögusögnum og þh. og er ég nokkuð stoltur af því að segja að ég er mjög hamingjusamur samkynhneigður maður og lifi lífi mínu til hins fyllsta og finnst ég vera mjög heppinn að vinna með frábæru fólki í bransa sem ég elska“.
Harris og Burtka komu samn á Emmy-verðlaunahátíðina í september 2007 sem opinbert par í fyrsta skipti. Neil og David hafa verið saman síðan í apríl 2004. Harris hefur talað um Burtka sem „betri helming sinn“ og „frábæran kokk“. 8. sepetmber, árið 2014 tilkynnti Harris að hann og Burtka hefðu gengið í hjónaband. Athöfnin átti sér stað á Ítalíu helgina áður.
Harris er aðdáandi töfrabragða og er sjálfur töframaður eins og persónan hans í How I Met Your Mother. Hann vann töfraverðlaun Tannen's Magic Louis árið 2006 og hélt World Magic-verðlaunin árið 2008.
ÁR | FLOKKUR | VERÐLAUN | NIÐURSTAÐA | A.T.H. |
---|---|---|---|---|
1989 | Young Artist verðlaunin | Besti ungi leikari í kvikmynd - Drama | Tilnefndur | Clara's Heart |
Golden Globe verðlaunin | Besta frammistaða leikara í aukahlutverki í kvikdmynd | Tilnefndur | ||
1990 | Young Artist verðlaunin | Besti ungi leikari í sjónvarpsþætti | Vann | Doogie Howser, M.D. |
1991 | Vann | |||
1992 | Vann | |||
Golden Globe verðlaunin | Besta Frammistaða Leikara í Sjónvarpsþáttaröð - Gaman/Tónlist | Tilnefndur | ||
2007 | Teen Choice verðlaunin | Sjónvarpsleikari: Grín | Tilnefndur | How I Met Your Mother |
Emmy verðlaunin | Framúrskarandi Aukaleikari í Gamanþáttaröð | Tilnefndur | ||
2008 | People's Choice verðlaunin | Uppáhalds ,,sá sem stal senunni" | Tilnefndur | |
Emmy verðlaunin | Framúrskarandi frammistaða aukaleikara í gamanþáttaröð | Tilnefndur | ||
2009 | Golden Globe verðlaunin | Besta Frammistaða Leikara í Aukahlutverki í Þáttaröð, Lítilli þáttaröð eða Kvikmynd framleitt fyrir Sjónvarp | Tilnefndur | |
Streamy verðlaunin | Besti Karlkyns Leikari í Gamanþáttaröð á Netinu | Vann | Dr. Horrible's Sing-Along Blog | |
Emmy verðlaunin | Framúrskarandi Aukaleikari í Gamanþáttaröð | Tilnefndur | How I Met Your Mother |
Fyrirmynd greinarinnar var „Neil Patrick Harris“ á ensku útgáfu Wikipedia. Sótt júlí 2009.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.