![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Amun_in_Barkal.jpg/640px-Amun_in_Barkal.jpg&w=640&q=50)
Napata
From Wikipedia, the free encyclopedia
Napata var borg í Núbíu á vesturbakka Nílar nálægt nútímabænum Karima í norðurhluta Súdan. Borgin var stofnuð af egypska faraónum Tútmósis 3. á 15. öld f.Kr. nálægt fjallinu Jebel Barkal sem myndaði suðurlandamæri Egyptalands hins forna. Árið 1075 f.Kr. urðu æðstuprestar Amons í Þebu valdameiri en faraó í Efra Egyptalandi. Í kjölfarið molnaði ríkið og þriðja millitímabilið hófst. Á þeim tíma stofnuðu íbúar Núbíu sjálfstætt ríki, Kús, með Napata sem höfuðborg. Um þremur öldum síðar lögðu Núbíumenn Egyptaland undir sig og mynduðu 25. konungsættina. Assýringar bundu enda á yfirráð Núbíumanna yfir Egyptalandi en Kús lifði áfram sem sjálfstætt konungsríki í kringum borgirnar Napata og Meróe í margar aldir eftir það.
![Thumb image](http://upload.wikimedia.org/wikipedia/commons/thumb/a/a2/Amun_in_Barkal.jpg/640px-Amun_in_Barkal.jpg)