Lifangur
From Wikipedia, the free encyclopedia
Lifangur (norska: Levanger) er borg og stjórnsýslumiðstöð í sveitarfélaginu Lifangri í Þrændalögum i Noregi með 10.384 íbúa. Fjöldi íbúa í sveitarfélaginu er 20.171 (2022). Borgin er staðsett við útrás Lifangursárinnar í Þrándheimsfjörð. Lifangur hefur verið mikilvægur verslunarstaður frá miðöldum og hefur átt sér árlega markaðshefð í nokkur hundruð ár. Lifangur hlaut konungsréttindi sem kaupstaður árið 1836.
![Thumb image](http://upload.wikimedia.org/wikipedia/commons/thumb/3/3e/Woodenhouseskirkegata.jpg/320px-Woodenhouseskirkegata.jpg)
E6 liggur um Lifangur og er hún 47 km suður til Stjørdalshalsen og 41 km norður til Steinkjer. Næsti nágrannabær er Verdalsøra, sem er 14 km norður af Lifangri.
![Thumb image](http://upload.wikimedia.org/wikipedia/commons/thumb/5/54/LevangerStation.jpg/640px-LevangerStation.jpg)
Lifangur er stöðvarbær og viðkomustaður á járnbrautarlínunum Trønderbanen og Nordlandsbanen.
Frá Lifangri er bílferjutenging til Ytterøy.
Sérkenni miðbæjarins í Lifangri er vel varðveitt timburhúsnæði í kaupstaðnum, menningarumhverfi Lifangurs, sem er verndað af umhverfisráðuneytinu samkvæmt 20. kafla laga um menningarminjar. Árið 2013 hlaut borgin Olavsrosa verðlaunin af norsku menningarminjastofnuninni fyrir verndunarstarf sitt.
![Thumb image](http://upload.wikimedia.org/wikipedia/commons/thumb/0/01/Sverres_gate_i_Levanger_mot_jernbanestasjonen..jpg/640px-Sverres_gate_i_Levanger_mot_jernbanestasjonen..jpg)
Undanfarin ár hefur í Lifangri verið umfangsmikil fjárfesting í sveitarfélaginu í verslun. Margar nýjar verslanakeðjur og matvörukeðjur hafa haslað sér völl, eða eru að koma sér fyrir, á borgarsvæðinu og á afleysingasvæðum fyrir miðbæinn, hvað skýrast í uppbyggingu verslunarmiðstöðvarinnar Alti Magneten utan miðbæjarins. Í Levanger er Br. Torkildsen Orgelbyggeri AS, sem er elsti orgelsmiður Noregs. Það var stofnað af bræðrunum Iver og Peder Torkildsen árið 1882.
![Thumb image](http://upload.wikimedia.org/wikipedia/commons/thumb/9/95/Levanger_sykehus.jpg/640px-Levanger_sykehus.jpg)
Á sjúkrahúsinu í Lifangri eru um 1.000 stöðugildi og er það því stærsta einstaka fyrirtæki sveitarfélagsins. Sjúkrahúsið heyrir undir Helse Midt-Norge. Á sjúkrahúsinu eru meðal annars deildir innan bráðalækninga, barna- og unglingageðlækninga, skurðlækninga, geðlækninga, bæklunarlækninga, barnalækninga og þar er einnig eina tóbaksvarnastöð landsins.
Lifangur er fræðslusetur í norðurhluta sýslunnar.
![Thumb image](http://upload.wikimedia.org/wikipedia/commons/thumb/0/0f/Levanger_vdrg_sk.jpg/640px-Levanger_vdrg_sk.jpg)
Nord Universitet (háskólinn) í Lifangri er stærsti námsstaðurinn fyrir kennara- og hjúkrunarfræðinám í háskólanum. Nord Universitet hefur um það bil 3.000 nemendur og 300 starfsmenn í Lifangri.
Levanger Videregående skole (menntaskóli) er stór skóli með 200 starfsmenn og 830 stöðugildi.
Í Lifangri eru nokkrir, bæði opinberir og einkareknir, grunn- og framhaldsskólar.
Kirkjan í Lifangri er langkirkja sem var vígð árið 1902. Byggingin er í Art Nouveau-stíl, og byggð úr steini. Kirkjan er staðsett í miðbæ Lifangurs. 500 sæti eru í kirkjunni.
- Kirkjan í Lifangri
- Kirkegata í Lifangri
- Cappelengården i miðbæ Lifangurs
- Nordenborggården í miðbæ Lifangurs