Laxá er lindá í Suður-Þingeyjarsýslu sem rennur úr Mývatni og niður Laxárdal. Ofan Brúarfossa og Laxárvirkjunar nefnist áin Laxá í Mývatnssveit, en neðri hluti árinnar kallast Laxá í Aðaldal. Laxá er önnur vatnsmesta bergvatnsá landsins og ein þekktasta laxveiðiáin. Árið 1970 stóð Laxárdeilan um virkjun efst í Laxá.
Efri hluti Laxár er um 33 kílómetrar að lengd frá Brúarfossum að upptökum í Mývatni, en heildarlengd árinnar er 58 km. Hún er að mestu leyti hrein lindá, nema hvað Kráká fellur í hana efst. Vatnsmagnið er því nokkuð stöðugt. Allt umhverfi árinnar er vel gróið og þykir einstaklega fagurt og þar er mikið og fjölbreytt fuglalíf. Margir góðir veiðistaðir eru í Laxá og þar hafa oft veiðst miklir stórlaxar. Laxá í Laxárdal er líka þekkt fyrir að vera ein besta urriðaveiðiá landsins og veiðast þar oft stórir og vænir urriðar. Náttúrufegurð þykir mikil við Laxá en áin rennur á hrauni allan Aðaldal að Æðarfossum neðan við Laxamýri, um 1 km frá sjó, en þar fellur hún fram af hraunbrúninni. Brúarfossar eru þó ekki svipur hjá sjón eftir að Laxá var virkjuð þar um 1950.
- Openstreetmap Laxá í Laxárdal (Þingeyjarsýslu)
- Laxá í Laxárdal (Þingeyjarsýslu) - Laxá úr Mývatni er virkjuð á 3 stöðum en þar sem Kráká er óttaleg drullutuðra veldur framburður hennar truflunum á virkjununum, ritgerðin skoðar dípkanir á botninum til að safna framburðinum sem lausn
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
