Kyn (líffræði)
líffræði / From Wikipedia, the free encyclopedia
Kyn vísar til ákveðinnar sérhæfingar hjá sumum lífverum sem nýta sér kynæxlun. Þar sést skipting niður í karlkyn og kvenkyn. Við kynæxlun sameinast kynfrumurnar (sæðisfruman og eggfruman) og ný lífvera verður til. Þær kynfrumur sem nýja lífveran hefur ákvarða líffræðilegt kyn hennar. Karlkynið framleiðir litlar kynfrumur (sæðisfrumur í dýrum, frjókorn hjá plöntum) en kvenkynið framleiðir stórar kynfrumur (eggfrumur). Þær lífverur sem framleiða bæði karlkyns og kvenkyns kynfrumur kallast tvíkynjungar.
![Thumb image](http://upload.wikimedia.org/wikipedia/commons/thumb/0/05/Types_of_sex_determination.png/320px-Types_of_sex_determination.png)
Oft sést breytileiki milli karlkyns og kvenkyns einstaklinga, það getur komið fram kynvals.
Í mönnum og öðrum spendýrum er karlkynið vanalega með einn X-litning og einn Y-litning, en kvenkynið vanalega með tvo X-litninga. Fuglar og sum skordýr nota aðra litninga til að ákvarða kyn. Krabbadýr ákvarða ekki kyn af litningum heldur af umhverfi sínu, svo sem hversu mikil næring sé til staðar.