Keilir, miðstöð vísinda, fræða og atvinnulífs
skóli á Suðurnesjum / From Wikipedia, the free encyclopedia
Keilir, miðstöð vísinda, fræða og atvinnulífs er menntafyrirtæki á Íslandi sem var stofnað vorið 2007. Aðsetur Keilis er í nokkrum byggingum á Ásbrú í Reykjanesbæ. Keilir skiptist í fjóra skóla með fjölbreytt námsframboð þar sem áhersla er á að laga sig að þörfum og kröfum nútímanemenda. Skólarnir eru Háskólabrú, Heilsuakademía, Flugakademía Íslands og Menntaskólinn á Ásbrú. Keilir hefur það að markmiði að byggja upp námsmannasamfélag þar sem boðið er upp á vandað nám með áherslu á nýstárlega kennsluhætti og fyrsta flokks aðstöðu. Keilir starfar samkvæmt þjónustusamningi við Mennta- og barnamálaráðuneytið um kennslu á framhaldsskólastigi.
Hjálmar Árnason, sem áður hafði verið skólameistari Fjölbrautaskóla Suðurnesja og þingmaður Framsóknarflokksins, var framkvæmdastjóri Keilis frá 2008 til 2019. Núverandi stjórnarformaður Keilis er Jón Björgvin Stefánsson. Framkvæmdastjóri Keilis er Nanna Kristjana Traustadóttir.