![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/79/Hrafnagil_%25284743687432%2529.jpg/640px-Hrafnagil_%25284743687432%2529.jpg&w=640&q=50)
Hrafnagil
From Wikipedia, the free encyclopedia
Hrafnagil er fornt höfuðból í Eyjafjarðarsveit, fyrrum Hrafnagilshreppur var kenndur við bæinn en þar var til ársins 1863 kirkjustaður og prestsetur hreppsins. Á Sturlungaöld var Þorgils skarði Böðvarsson veginn af Þorvarði Þórarinssyni á Hrafnagili um jólin 1258, ódæðið þótti afar níðingslegt og uppskar Þorvarður miklar óvinsældir vegna þess.
![Thumb image](http://upload.wikimedia.org/wikipedia/commons/thumb/7/79/Hrafnagil_%284743687432%29.jpg/640px-Hrafnagil_%284743687432%29.jpg)
Í landi Hrafnagils hefur nú byggst samnefnt þorp þar sem 270 bjuggu í desember 2019. Þar er Hrafnagilsskóli, grunnskóli Eyjafjarðarsveitar, og félagsheimili. Jarðhiti er á staðnum og er notaður til að hita upp nokkur gróðurhús en einnig eru þar borholur á vegum Norðurorku sem tengjast hitaveitunni á Akureyri.