Fáni Bandaríkjanna
From Wikipedia, the free encyclopedia
Fáni Bandaríkjanna samanstendur af sjö láréttum rauðum línum með sex hvítum línum inni á milli og bláum rétthyrningi í efra horninu alsettum fimmtíu hvítum stjörnum. Stjörnurnar tákna fimmtíu fylki Bandaríkjanna og línurnar þrettán tákna upprunalegu nýlendurnar þrettán sem risu gegn bresku krúnunni og mynduðu Bandaríkin. Fáninn er einnig kallaður Stars and Stripes, Old Glory og The Star-Spangled Banner (sem er einnig nafn þjóðsöngs landsins).