![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/da/Franz_Josef_Land_location-en.svg/langis-640px-Franz_Josef_Land_location-en.svg.png&w=640&q=50)
Frans Jósefsland
From Wikipedia, the free encyclopedia
Frans Jósefsland (rússneska: Земля́ Фра́нца-Ио́сифа, lestist sem Zemlja Frantsa-Íosífa) er rússneskur eyjaklasi í Norður-Íshafi og tilheyrir Arkangelsk-fylki. Hann samanstendur af 191 eyju og er rúmlega 16.000 ferkílómetrar að stærð. Stærsta eyjan er Eyja Georgs prins og hæsti punktur eyjanna er 670 metrar. Íbúar eru aðeins rússneskir hermenn.
![Thumb image](http://upload.wikimedia.org/wikipedia/commons/thumb/d/da/Franz_Josef_Land_location-en.svg/320px-Franz_Josef_Land_location-en.svg.png)
![Thumb image](http://upload.wikimedia.org/wikipedia/commons/thumb/c/cb/Map_of_Franz_Josef_Land-en.svg/640px-Map_of_Franz_Josef_Land-en.svg.png)
Eyjarnar fundust í leiðangri norskra selaveiðimanna árið 1865 en fundurinn var aldrei tilkynntur. Stuttu síðar kannaði teymi frá Austurríki-Ungverjalandi eyjarnar árið 1872-1874 og tilkynnti fundinn. Eyjunum var gefið nafn eftir austuríska keisaranum Frans Jósef 1. (1830–1916). Sovétríkin tóku yfir eyjarnar árið 1926 og mótmæltu Norðmenn því.
85% eyjanna eru þaktar jökli. Þær hafa verið friðland frá árinu 1994 og þjóðgarður frá 2012.