![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2a/Castro_desde_Tent%25C3%25A9n.jpg/640px-Castro_desde_Tent%25C3%25A9n.jpg&w=640&q=50)
Chiloé-eyja
From Wikipedia, the free encyclopedia
Chiloé-eyja (spænska: Isla de Chiloé), er stærsta eyja Chiloé-eyjaklasans undan ströndum Suður-Síle, í Los Lagos-fylki. Hún er næst stærsta eyja landsins á eftir Stóru Eldlandsey; 8.394 ferkílómetrar. Höfuðstaðurinn heitir Castro en alls búa um 150.000 manns á Chiloé-eyju. Áformað er að byggja brú til meginlandsins frá eyjunni.
![Thumb image](http://upload.wikimedia.org/wikipedia/commons/9/9b/Chile_Chiloe_Island.png)
![Thumb image](http://upload.wikimedia.org/wikipedia/commons/thumb/2/2a/Castro_desde_Tent%C3%A9n.jpg/640px-Castro_desde_Tent%C3%A9n.jpg)
Tempraður regnskógur er á vesturhluta eyjunnar og er þar Chiloé-þjóðgarðurinn. Spænskir landnemar nefndu eyjuna í fyrstu Nýju-Galisíu en Chiloé varð ofan á. Það er úr máli frumbyggja og þýðir staður mávanna.