![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/51/Duus_h%25C3%25BAs_museum_01.jpg/640px-Duus_h%25C3%25BAs_museum_01.jpg&w=640&q=50)
Byggðasafn Reykjanesbæjar
From Wikipedia, the free encyclopedia
Byggðasafn Reykjanesbæjar er byggðasafn í Reykjanesbæ á Suðurnesjum. Safnkosturinn endurspeglar sögu og menningu svæðisins. Aðalsýningar safnsins eru í Duus Safnahúsum í Keflavík, en önnur safnahús eru endurgerði torfbærinn Stekkjarkot á Fitjum og húsið Innri-Njarðvík í Innri-Njarðvík.
![Thumb image](http://upload.wikimedia.org/wikipedia/commons/thumb/5/51/Duus_h%C3%BAs_museum_01.jpg/640px-Duus_h%C3%BAs_museum_01.jpg)
Ungmennafélag Keflavíkur stóð fyrir stofnun Byggðasafns Keflavíkur 17. júní 1944. Í nóvember 1978 var Byggðasafn Suðurnesja stofnað í samstarfi tveggja sveitarfélaga, Keflavíkur og Njarðvíkur. Nafni safnsins var síðan breytt í Byggðasafn Reykjanesbæjar eftir að sveitarfélögin sameinuðust árið 1994.
Aðalsýningar safnsins eru í Duus Safnahúsunum þar sem sýnd eru brot úr sögu svæðisins frá landnámi fram á miðja síðustu öld. Þar eru bæði grunnsýning og sérsýningar um afmarkaða þætti úr sögu bæjarins. Safnið rekur Stekkjarkot sem er endurgert torfhús á Njarðvíkurfitjum, kotið er opið eftir samkomulagi. Í Víkingaheimum er safnið með sýningu um elstu sögu svæðisins frá landnámstíð. Með áherslu á fornleifarannsóknir í Höfnum sem safnið stóð fyrir. Í gamla hluta Innri-Njarðvíkur hefur samnefnt hús verið gert að safni um heimili síðustu ábúendanna Jórunnar Jónsdóttur og Helga Ásbjörnssonar. Húsið er opið eftir samkomulagi. Tekið er á móti skólahópum í öll hús safnsins.
Safnið hlaut viðurkenningu Safnaráðs árið 2014 en þá voru liðin 70 ár frá stofnun Byggðasafns Keflavíkur.