![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0f/Bj%25C3%25B6rn_%25C3%259E%25C3%25B3r%25C3%25B0arson.png/640px-Bj%25C3%25B6rn_%25C3%259E%25C3%25B3r%25C3%25B0arson.png&w=640&q=50)
Björn Þórðarson
From Wikipedia, the free encyclopedia
Björn Þórðarson (fæddur 6. febrúar 1879 dáinn 25. október 1963) var forsætisráðherra Íslands í utanþingsstjórninni svonefndu og þar með fyrsti forsætisráðherra lýðveldisins. Hann og ráðuneyti hans var skipað af Sveini Björnssyni, þá ríkisstjóra Íslands, 16. desember 1942.
![Thumb image](http://upload.wikimedia.org/wikipedia/commons/thumb/0/0f/Bj%C3%B6rn_%C3%9E%C3%B3r%C3%B0arson.png/320px-Bj%C3%B6rn_%C3%9E%C3%B3r%C3%B0arson.png)
Björn lagði stund á laganám við Kaupmannahafnarháskóla á sama tíma og Einar Arnórsson og Sveinn Björnsson. Rannsókn sem Björn vann um sögu refsivistar á Íslandi varði hann sem doktorsritgerð í lögfræði, þá fyrstu við Háskóla Íslands.
Björn var að sögn „hógvær vinstri maður, trúr guði sínum, konungi og þjóð“. Björn bauð sig fram fyrir Framsóknarflokkinn í Borgarfjarðarsýslu 1927 en féll fyrir Pétri Ottesen. Björn var lögskilnaðarmaður, þ.e. hann vildi slíta konungssambandinu við Danmörku með samningum.