![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bf/Karte_baikal2.png/640px-Karte_baikal2.png&w=640&q=50)
Bajkalvatn
From Wikipedia, the free encyclopedia
Bajkalvatn er stöðuvatn í sunnanverðri Síberíu í Rússlandi. Er það dýpsta og elsta stöðuvatn heims, 1,642 m djúpt og 25–30 miljón ára gamalt auk þess að vera stærsta ferskvatns-stöðuvatn jarðar að rúmáli, 23.615 km³ og inniheldur 22 til 23% af öllu yfirborðs ferskvatni jarðar. Einnig er það sjöunda stærsta stöðuvatn jarðar, 31.500 km2 að flatarmáli.
![Thumb image](http://upload.wikimedia.org/wikipedia/commons/thumb/b/be/Olkhon_2014-06-13_07-38-36_IMG_6874-36-2-2_%2832577582872%29.jpg/640px-Olkhon_2014-06-13_07-38-36_IMG_6874-36-2-2_%2832577582872%29.jpg)
![Thumb image](http://upload.wikimedia.org/wikipedia/commons/thumb/b/bf/Karte_baikal2.png/640px-Karte_baikal2.png)
![Thumb image](http://upload.wikimedia.org/wikipedia/commons/thumb/6/66/Snowstorm_near_Ogoy_island.jpg/640px-Snowstorm_near_Ogoy_island.jpg)
Í Bajkalvatn renna um 336 ferskvatnsár og lækir en eina afrennslið úr því er Angarafljót. Er það fjölsóttur ferðamannastaður og þekktasta kennileiti þess er Olkoneyja í miðju vatninu. Við vatnið eru miklar árstíðar hitasveiflur, allt frá −19 °C á vetrum til 14 °C á sumrin og leggur það yfirleitt alveg frá desember fram í maí. Víða er jarðhiti og jarðskjálftar eru tíðir.