Ameríkubikarinn

Ameríkubikarinn er þekktasta siglingakeppni heims og elstu verðlaun sem enn eru veitt fyrir sigur í alþjóðlegri íþróttakeppni. Bikarinn var upphaflega veittur sigurvegara í siglingakeppni konunglega breska siglingaklúbbsins Royal Yacht Squadron umhverfis Isle of Wight árið 1851 en dregur nafn sitt af skútunni America sem vann bikarinn fyrir siglingaklúbbinn New York Yacht Club sama ár. 1857 gaf eigendafélag America klúbbnum bikarinn sem verðlaun í áskorendakeppnum. Engum tókst að vinna bikarinn af klúbbnum til ársins 1983 þegar Australia II frá Royal Perth Yacht Club sigraði og flutti bikarinn til Ástralíu. Þetta telst vera lengsta samfellda vinningslota í sögu alþjóðlegra íþróttakeppna. Núverandi handhafar bikarsins eru siglingaklúbbur skútunnar Te Rehutai, Royal New Zealand Yacht Squadron á Nýja-Sjálandi.

Ameríkubikarinn er botnlaus silfurkanna smíðuð af Garrard & Co í London árið 1848.

Keppnin um Ameríkubikarinn er áskorendakeppni, einvígi milli tveggja skúta, þar sem sá sem vinnur flestar af níu kappsiglingum ber sigur úr býtum. Frá 1992 til 2007 var keppt á slúppum í Alþjóðlega Ameríkubikarsflokknum, sem er einbola flokkur. Dæmigerð lengd slíkra skúta var 75 fet (23 m). Árið 2010 var keppt á þríbolungum og 2013 á 72 feta tvíbolungum með spaðakili. Árið 2021 var aftur skipt yfir í einbolunga, en í þetta sinn með spaðakili sem lyftir bolnum upp úr vatninu.

Hver sá sem uppfyllir skilyrðin sem sett eru fram í gjafarbréfinu sem fylgdi með bikarnum 1852 (endurskrifað nokkrum sinnum síðan) hefur rétt til að skora á þann klúbb sem geymir bikarinn. Ef áskorandinn sigrar flyst eign bikarsins frá siglingaklúbbi fyrri vinningshafa til siglingaklúbbs áskorandans. Frá 1970 hefur verið haldin undankeppni til að skera úr um hver fær réttinn til áskorunar þegar um fleiri en einn áskoranda er að ræða. Þessi keppni heitir nú Prada-bikarinn (áður Louis Vutton-bikarinn frá 1983 til 2017).

Áskorendur og verjendur í Ameríkubikarnum

Ár	Keppnisborg	Varnarfélag	Verjandi	Niðurstaða	Áskorandi
2021	Auckland	New Zealand Royal Yacht Squadron	Emirates Team New Zealand, Te Rehutai Nýja-Sjáland	7-3	Luna Rossa Prada Pirelli, Luna Rossa Ítalía
2017	Bermúda	Golden Gate Yacht Club	Oracle Team USA, 17 Bandaríkin	1-7	Emirates Team New Zealand, Aotearoa Nýja-Sjáland
2013	San Francisco	Golden Gate Yacht Club	Oracle Team USA, Oracle Team USA 17 Bandaríkin	9-8	Emirates Team New Zealand, Aotearoa Nýja-Sjáland
2010	Valensía	Société Nautique de Genève	Alinghi, Alinghi 5 Sviss	0-2	Golden Gate Yacht Club, BMW Oracle Racing Bandaríkin
2007	Valensía	Société Nautique de Genève	Alinghi, SUI-100 Sviss	5-2	Team New Zealand, NZL-92 Nýja-Sjáland
2003	Auckland	Royal New Zealand Yacht Squadron	Team New Zealand Nýja-Sjáland	0-5	Alinghi Sviss
2000	Auckland	Royal New Zealand Yacht Squadron	Team New Zealand Nýja-Sjáland	5-0	Prada Challenge Ítalía
1995	San Diego	San Diego Yacht Club	Young America Bandaríkin	0-5	Black Magic Nýja-Sjáland
1992	San Diego	San Diego Yacht Club	America³ Bandaríkin	4-1	Il Moro di Venezia Ítalía
1988	San Diego	San Diego Yacht Club	Stars & Stripes Bandaríkin	2-0	New Zealand Challenge Nýja-Sjáland
1987	Fremantle	Royal Perth Yacht Club	Kookaburra III Ástralía	0-4	Stars & Stripes Bandaríkin
1983	Newport, Rhode Island	New York Yacht Club	Liberty Bandaríkin	3-4	Australia II Ástralía
1980	Newport, Rhode Island	New York Yacht Club	Freedom Bandaríkin	4-1	Australia Ástralía
1977	Newport, Rhode Island	New York Yacht Club	Courageous Bandaríkin	4-0	Australia Ástralía
1974	Newport, Rhode Island	New York Yacht Club	Courageous Bandaríkin	4-0	Southern Cross Ástralía
1970	Newport, Rhode Island	New York Yacht Club	Intrepid Bandaríkin	4-1	Gretel II Ástralía
1967	Newport, Rhode Island	New York Yacht Club	Intrepid Bandaríkin	4-0	Dame Pattie Ástralía
1964	Newport, Rhode Island	New York Yacht Club	Constellation Bandaríkin	4-0	Sovereign England
1962	Newport, Rhode Island	New York Yacht Club	Weatherly Bandaríkin	4-1	Gretel Ástralía
1958	Newport, Rhode Island	New York Yacht Club	Columbia Bandaríkin	4-0	Sceptre England
1937	Newport, Rhode Island	New York Yacht Club	Ranger Bandaríkin	4-0	Endeavour II England
1934	Newport, Rhode Island	New York Yacht Club	Rainbow Bandaríkin	4-2	Endeavour England
1930	Newport, Rhode Island	New York Yacht Club	Enterprise Bandaríkin	4-0	Shamrock V Norður-Írland
1920	New York-borg	New York Yacht Club	Resolute Bandaríkin	3-2	Shamrock IV Írland
1903	New York-borg	New York Yacht Club	Reliance Bandaríkin	3-0	Shamrock III Írland
1901	New York-borg	New York Yacht Club	Columbia Bandaríkin	3-0	Shamrock II Írland
1899	New York-borg	New York Yacht Club	Columbia Bandaríkin	3-0	Shamrock Írland
1895	New York-borg	New York Yacht Club	Defender Bandaríkin	3-0	Valkyrie III England
1893	New York-borg	New York Yacht Club	Vigilant Bandaríkin	3-0	Valkyrie II England
1887	New York-borg	New York Yacht Club	Volunteer Bandaríkin	2-0	Thistle Snið:SCO Skotland
1886	New York-borg	New York Yacht Club	Mayflower Bandaríkin	2-0	Galatea England
1885	New York-borg	New York Yacht Club	Puritan Bandaríkin	2-0	Genesta
1881	New York-borg	New York Yacht Club	Mischief Bandaríkin	2-0	Atalanta Kanada
1876	New York-borg	New York Yacht Club	Madeleine Bandaríkin	2-0	Countess of Dufferin Kanada
1871	New York-borg	New York Yacht Club	Columbia Bandaríkin	4-1	Livonia England
1870	New York-borg	New York Yacht Club	Magic Bandaríkin	1-0	Cambria England
1851	Isle of Wight	Royal Yacht Squadron	America Bandaríkin	1-0	Aurora England

Verjandinn hefur aðeins tapað titlinum sex sinnum (1851, 1983, 1987, 1995, 2003 og 2010).