Alaska-fjallgarðurinn
From Wikipedia, the free encyclopedia
Alaska-fjallgarðurinn (enska: The Alaska Range) er um 650 kílómetra langur fjallgarður í Suður-Alaska. Hann nær frá Clark-vatni í suðvestri til Hvítár í Júkon, Kanada. Í fjallgarðinum eru hæstu fjöll heims utan Asíu og Andes-fjalla. Denali, hæsta fjall Norður-Ameríku, er hluti hans.
Meðal þjóðgarða innan fjallanna eru: Wrangell–St. Elias-þjóðgarðurinn og verndarsvæði, Denali-þjóðgarðurinn og verndarsvæði og Lake Clark-þjóðgarðurinn og verndarsvæði. George Parks-þjóðvegurinn frá Anchorage til Fairbanks liggur um lægri fjöll svæðisins og Richardson-þjóðvegurinn liggur frá Valdez til Fairbanks (Alaska-olíuleiðslan er samsíða veginum).