Úrúgvæska karlalandsliðið í knattspyrnu
From Wikipedia, the free encyclopedia
Úrúgvæska karlalandsliðið í knattspyrnu (spænska: Selección de fútbol de Uruguay) er landslið Úrúgvæ í knattspyrnu. Því er stjórnað af úrúgvæska knattspyrnusambandinu. Þeir eru gjarnan kallaðir la Celeste (Það himinbláa). Liðið hefur unnið Suður-Ameríkubikarinn Copa América alls 15 sinnum, meira en nokkurt annað lið, síðast árið 2011. Það hefur tvisvar sinnum orðið heimsmeistari, meðal annars á fyrsta Heimsmeistaramótinu sem haldið var HM 1930 þar sem það var gestgjafi. Úrúgvæ tókst að sigra nágranna sína í Argentínu 4–2 í úrslitaleiknum. Það vann seinni titilinn árið 1950 með því að sigra Brasilíu í úrslitaleiknum 2–1. Úrúgvæ hefur einnig unnið tvö ólympíugull þ.e árið 1924 og 1928.
Gælunafn | La Celeste (Það himinbláa); Charrúarnir | ||
---|---|---|---|
Íþróttasamband | AUF | ||
Álfusamband | CONMEBOL | ||
Þjálfari | Marcelo Bielsa | ||
Fyrirliði | Diego Godin | ||
Leikvangur | Estadio Centenario | ||
FIFA sæti Hæst Lægst | 15 (26. okt. 2023) 2 (júní 2012) 76 (desember 1998) | ||
| |||
Fyrsti landsleikur | |||
2-3 gegn Argentínu 16. maí 1901 | |||
Stærsti sigur | |||
9–0 gegn Bólivíu 9. nóvember 1927 | |||
Mesta tap | |||
0-6 gegn Argentínu 20. júlí 1902 | |||
Heimsmeistaramót | |||
Keppnir | 21 (fyrst árið 1930) | ||
Copa América | |||
Keppnir | 44 (fyrst árið 1916) | ||
Besti árangur | Meistarar (1916, 1917, 1920, 1923, 1924, 1926, 1935, 1942, 1956, 1959, 1967, 1983, 1987, 1995, 2011) |
Árangur þeirra þykir merkilegur í ljósi smæðar landsins en íbúar Úrúgvæ eru einungis 3,4 milljónir. Þekktir knattspyrnukappar koma frá Úrúgvæ, nægir þar að nefna Diego Forlán, Diego Godin, Luis Suárez og Edinson Cavani.