From Wikipedia, the free encyclopedia
Willem Barents (n. c. 1550 til la 20ma di junio 1597) esis Nederlandana navigisto ed explorero. Ilu voyajis til Siberia kun intenco diskovrar la nord-esta aceso inter Atlantiko e Pacifiko, ma ne havis suceso. Ilu mortis dum lua triesma voyajo.
Willem Barents | ||
Profesiono: | navigisto, explorero e deskovrero | |
Lando: | Nederlando | |
Naskodato: | 1550, 1549 | |
Nasko-loko: | Terschelling, Westa Frizia Insuli, Nederlando | |
Mortodato: | 20 di junio 1597 | |
Morto-loko: | Novaya Zemlya, Rusia | |
En la unesma voyajo di 1594 il atingis Novaya Zemlya (Nova-Lando), retrovenante pro glacio-monteti. La voyajo di la sequanta yaro impedesis pro la glaciigita Kara-maro.
En komenco di triesma expediciono vers la nord-esto ye la 18ma di mayo 1596 Willem Barents departis de Vlieland, proxim Amsterdam, por trovar voyo norde de Siberia a la oriento. La du navi di Barents atingis la nekonocata insulo di Spitsbergen ye la 17ma di junio. Ye la 1ma di julio, la du navi sequis separata voyi, e la navo qua portis Barents, atinginte Novaya Zemlya ye la 17ma di julio, pose divenis kaptita en glacio, ed ibe la navo-trupo eventoze pasis la vintro. La navo ankore fixigite en la glacio ye la sequanta junio, la posvivanti, sufranta pro skorbuto, eskapis en du bateli. Barents mortis pos sep dii en batelo. Pos sep semani, la 12 posvivanti salvesis a la peninsulo di Kola da Rusa komerco-navo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.