From Wikipedia, the free encyclopedia
Traktoro esas vehilo automovanta uzata por tranar o shovar remorki, barki, agrokultivala implementi (exemple plugili), ed altra granda o pezoza objekti. Lua roti provizesas per organi por igar lu adherar a la sulo, mem tre inklinita. En kelka modeli, la roti interrelatas per bendo metala quaze-tapisa qua, lor la funciono, aspektas quale raupo movanta, o lua roti esas angulopecoza. Traktori anke havas juntosistemo di falchomashini.
L'origino di la vorto "traktoro" esas Latina vorto trahere ("tirar, arachar"). Ordinare, traktori havas basa rapideso, ed uzesas en farmeyi od en konstrukti (di stradi, edifici, e.c.). Ank existas traktori kun haui, por exkavar la sulo en konstrukturi.
L'unesma traktori aparis dum la 19ma yarcento, ed uzis vaporomashini por furnisar traciono. Ica vehili uzesis por tirar plugili en farmeyi od exkavar dreno-kanali. En 1892, John Froelich inventis l'unesma traktoro uzinta gazolino-motoro en Iowa, Usa. Britaniano Dan Albone obtenis komercala suceso kun lua traktoro movita per gazolino-motoro en 1901. En 1926 Harry Ferguson inventis la sistemo di akrocho kun 3 extremaji, qui permisas kuplar diversa agrokultivala implementi, altra mashini, o mem vehili ad ula traktoro.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
