Taekwondo

Taekwondo (태권도; 跆拳道) esas milital arto e kombato-sporto kun lua fonto en Korea. nun ol esas multe konocita, esas populara por la spektaklo di lua pedo-tekniki, ed esas un del milital arti maxim populara en tota la mondo, kun milioni di adheranti. Segun la tradiciono, lua developo komencis cirkum 2000 yari ante nun, ma reale lu nomesas "taekwondo" depos cirkum 1955. Hodie lu divenabas sporto multe expansata. En l'Olimpiala Ludi en Seoul, 1988 la taekwondo facis lua unesma aparo en ica konkurso kom expozo-sporto. En ica evento konkurencis 183 atleti (120 homuli e 63 mulieri) di 34 landi diversa en 8 diferanta pezo-kategorii por homuli e por mulieri. En l'Olimpiala Ludi en Barcelona, 1992 lu duris kom expozo-konkurso, e en l'Olimpiala Ludi en Sydney, 2000 lu divenis sporto olimpiala oficala.

Konkurso di taekwondo olimpiala

Tae-kwon-do signifikas "voyo (modo) dil pedo e dil pugno". Esas remarkebla ke ica milital arto ne bazesas nur en l'uso dil pedi kom multa populo kredas eroroze; multa taekwondo-tekniki usa la kudo e di formi di frapi kun la manuo, la pedo e fine la genuo (exemple, por ruptar di planki, briki ed altra objekti).

Altra web situi

• Taekwondo
• Korea National Taekwondo Team • Spektaklo en Oslo, Norvegia • 23.05.06
• WebTKD : Taekwondo - le portail francophone

Commons

Commons havas kontenajo relatante a:

Taekwondo