Satyajit Ray

Satyajit Ray (Kolkata 1921 til 1992 Kolkata) esis Indiana filmifisto.

Satyajit Ray
Profesiono:	filmifisto
Lando:	India
Naskodato:	2 di mayo 1921
Nasko-loko:	Kolkata, India
Mortodato:	23 di aprilo 1992
Morto-loko:	mem urbo
Retoloko:	http://www.satyajitray.org/

Il naskis en Kolkata, kom membro di Bengalana familio qua esis tre prominent en la literaturo ed arto. Ray studiis en la Presidency Kolegio ed en la Visva-Bharati Universitato. Renkontri kun la Franca filmifisto Jean Renoir  e la Nov-realistal Italiana filmo Ladri di Biciclette (Furtisti di Bicikli) esis ilua inspiro.

Satyajit Ray debutis per la filmo Pather Panchali. Ca filmo fondita sur la sam-noma romano, esas l’unesma parto dil Apu-trilogio da Ray. Pather Panchali obtenis 11 grand internaciona film-premii, inter qui ‘Maxim Bona Homala Dokumento’ di la film-festo di Cannes.

Tote Satyajit Ray rejisis 37 filmi, inter qui longa filmi e dokumentala filmi. Ultre ilua laboro kom filmifisto, Satyajit Ray anke esis skriptisto di fiktivaji, editero, grafiala desegnisto e film-kritikisto. Il anke kompozis multa muziko por sua filmi.

Ray obtenis mult internaciona premii, inter qui Akademiala Honorala Premio en 1992.