From Wikipedia, the free encyclopedia
Martinus Christian Wesseltoft Rørbye (Drammen, Norvegia, 17ma di mayo 1803 - København, 29ma di agosto 1848) esis Dana piktisto.
| Martinus Rørbye | ||
 | ||
| Profesiono: | piktisto | |
| Lando: |  Dania | |
| Naskodato: | 17 di mayo 1803 | |
| Nasko-loko: | Drammen, Norvegia | |
| Mortodato: | 29 di agosto 1848 | |
| Morto-loko: | København, Dania | |
Lua patro esis administranto e butikisto qua ekmigrabis a Norvegia. Kande Martinus evis dek-e-du yari la familio retroiris a Dania. Ibe Martinus studieskis en 1820 che la Rejala Dana Art-Akademio sub Christoffer Wilhelm Eckersberg e Christian August Lorentzen, piktisti di la 'Ora Epoko dil Dana pikt-arto'.
Lua frua verki konsistis precipue ek urbo-ceni di København, ma anke ek portreti e peizaji piktita sur la insulo Seeland. Inter 1830 e 1832 il piktis precipue peizaji en Norvegia. De 1833 til 1837 il multe voyajis, inkluzite a Nederlando, Paris, Roma e Konstantinoplo. Lua voyajo a Turkia supozeble multe influis lua piktado, interne dil dana novigema uzo di koloro e lumo.
Inter 1833 e 1847 Rørbye restis plurafoye en la nord-dana pesko-vilajo Skagen, ube il precipue piktis peizaji e jenro-verki. Lua saneso esis febla e lu mortis en 1848, evante 45 yari.
Rørbye esis dum la yari 1870ma multe admirata da Michael Ancher. Ancher anke voyajis a Skagen por piktar, e fondis ibe la famoza artisto-kolonio la Skagen-piktisti, qui forte influesis da Rørbye.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
