Leonid Ilyich Brejnev

Leonid Ilyich Brejnev (ukr. Leonid Illich Brejniev) n. ye 19ma di decembro 1906 til 10ma di novembro 1982 esis politikisto qua kontrolis Sovietia de 1964 til morto.

Leonid Ilyich Brejnev
rus. Леонид Ильич Брежнев ukr. Леонід Ілліч Брежнєв
Generala sekretario di Komunista Partiso di Sovietia
Guvernisteso:	de la 14ma di oktobro 1964 til la 10ma di novembro 1982
Precedanto:	Nikita Hrushchyov
Sucedanto:	Yuri Andropov
Personal informi
Naskodato:	19 di decembro 1906, 1 di januaro 1907, 19 di decembro 1906
Naskoloko:	Kamyanske (nun provinco Dnipropetrovsk en Ukraina), Rusian imperio
Mortodato:	10 di novembro 1982
Mortoloko:	Moskva, Sovietia
Spozo:	Viktoria Brejneva
Profesiono:	injenioro e politikistulo
Politikala partiso:	Komunista Partiso di Sovietia

Biografio

Naskinta en Kamyanske (nun provinco Dnipropetrovsk en Ukraina) ilu recevis teknikala eduko pos la Revoluciono di oktobro 1917. Il eniris la yuneso di Komunista partiso (Komosomol) en 1923, ed en 1929 il eniris en la propra partiso.

Brejnev obtenis diplomo di metalifala injenioro en 1935 e verkis en industrii en Ukraina. De 1935 til 1936 il servis Soviet-armeo. Kande nacionalsocialista Germania invadis Soviet-Uniono en 1941 Brejnev esis nemediate rekrutita. Kande Germaniani invadis Ukraina il esis sendita a Kaukazia por organizar Transkaukaziana fronto. En 1943 il esis sendita por komandar l'Unesma Ukrainana fronto.

Brejnev ekiris armeo en 1946. En 1952 il divenis membro di la Centrala Komitato di Komunista Partiso. Pos la morto di Iosif Stalin, Nikita Hrushchyov indikis il kom Lietnanto-generalo, por kontrolar l'armeo e la mararmeo. En 1956 ilu divenis responsebla por spacala programo di la Soviet-Uniono. Pos Hrushchyov esar ekpulsita de povo en 1964, Brejnev ganis plu povi.

Balde Brejnev severigis la komunistala sistemo, tam en la Soviet-Uniono kam en l'altra socialistala stati. To nomesas la Brejnev-doktrino: la Soviet-Uniono havas la yuro intervenar - quale en Chekoslovakia (1968) ed en Afganistan (1979). La severigo di diciplino kuniris la rigidesko dil ancieneskint ekonomiala aparato, qua restis subdevelopita. Pos ilua morto sequis necerta periodo pro la frua morto di ilua sucedinto Y. Andropov e K. Chernenko. La "perestroyka" e "glasnost-politiko da Gorbachyev ruptis la lineo di Brejnev.

Dum la Brejnev-regno ta landi atingis granda extera suceso e la vivo esis sekura ma poke libera. L'ekonomio esis tre frajila note pro granda militala spensado.

Precedanto Nikita Hrushchyov

→

Generala-Sekretario di Komunista Partiso di Sovietia 1964 til 1982

→

Sucedanto Yuri Andropov