Informatiko

Informatiko esas fako di cienco qua studias l'administro di metodi, tekniki e procedi por konservar, traktar e transmisar informi e dati per dijitala* formati. Do, informatiko referas l'automatala trakto di informi uzanta elektronikala moyeni e komputeri. Informatikala sistemi mustas facar 3 bazala taski: eniro di dati (input), transformo, ed ekiro (di la rezulti). L'ensemblo di ca 3 taski nominezas algoritmo.

Un ek la maxim importanta kompozanti de ula komputero esas la chefplako. En l'imajo, un ek la modeli Intel.

Ne existas generala konsento pri la termino "informatiko". Tamen, l'Asociuro di Docisti di Informatiko di Arjentinia definas ca termino kom «la studio-fako qua enkorpigas la konoci, metodi e tekniki uzebla por traktar informi automatale, ed anke la teorio e praktika agadi kun skopo konservar, traktar e transmisar dati e informi pr dijitala* formato uzanta komputeri». Dati esas l'esencala elementi qui, traktata, permisas obtenar informi.

Pro to, "informatiko" diferas de komputerala cienci, nam la duesma esas plu teoriala, kontre ke informatiko referas l'aplikebleso di komputerala cienci sur dati, uzanta elektronikala equipuri. Fakte, komputerala cienci esas subfako de informatiko. L'informatiko esas la ciencala formo di traktar l'informo, konsistanta ek organizar, selektar, ed exekutar kalkuli e kompari, permisanta extraktar konkluzi del informi traktata.

Commons

Wikimedia Commons havas kontenajo relatante a: Informatiko