Horst Köhler

Horst Köhler, ekonomikisto e politikisto n. ye la 22ma di februaro 1943 til la 1ma di februaro 2025, esis prezidanto di Germania de 2004 til 2010. Ante, il esis Generala Direktisto dil Internaciona Monetala Fonduro de 2000 til 2004.

Horst Köhler
{{{Originala_nomo}}}
Prezidanto di Germania
Guvernisteso:	de la 1ma di julio 2004 til la 31ma di mayo 2010
Precedanto:	Johannes Rau
Sucedanto:	Christian Wulff
Personal informi
Naskodato:	22 di februaro 1943
Naskoloko:	Skierbieszów, Polonia
Mortodato:	1 di februaro 2025
Mortoloko:	Berlin, Germania
Spozo:	Eva Köhler
Profesiono:	ekonomikisto e politikistulo
Politikala partiso:	CDU

Horst Köhler naskis en rurana familio en Skierbieszów, Polonia, lor okupita da Naziista Germania. Lua gepatri esis Germani de Besarabia, ed arivis en Polonia en 1942. Kande Germana trupi abandonis Polonia, ilua familio fugis a Markkleeberg-Zöbigker, loko proxim Leipzig, Saxonia. En aprilo 1953, kande la frontiero inter Est-Germania e West-Germania ankore esis apertita, la familio translojis su a West-Germania. Erste en 1957, pos vivir en diversa refujeyi, la familio translojis su a Ludwigsburg, urbeto proxim Stuttgart, Badenia-Wurtemberg.

De 1965 til 1969 Köhler studiis ekonomiko e politiko en Tübingen, ed obtenis diplomo en ekonomiko. Depos 1969, Köhler esis mariajita kun Eva Köhler. Li havis du infanti, la filiulo Jochen e la filiino Ulrike.

Horst Köhler kun Dmitri Medvedev en 2008.

Ante lua elekto kom prezidanto, Köhler esis profesoro pri ekonomiko, e laboris en banki. Il esis prezidanto dil Europana Banko por Rikonstrukto e Developo de 1998 til 2000, e dil Internaciona Monetala Fonduro de 2000 til 2004. Il elektesis prezidanto di Germania ye la 23ma di mayo 2004 ed asumis ye la 30ma di julio sam yaro. Ilu rielektesis en 2009, ma renoncis ye la sequanta yaro pro kontroversi pri sua komenti pri la partopreno di Germana trupi en la milito di Afganistan.

Ilu demisionis ye la 31ma di mayo 2010 pro la kritiko pri sua opininio pri uzado di Federala Armeo di Germania en la milito en Afganistan. En 2017 ilu sendesis ad Ocidental Sahara kom reprezentanto dil Unionita Nacioni. En 2019 il abandonis ca misiono pro saneso-motivi.

Precedanto Johannes Rau

→

Prezidanto di Germania 2004 til 2010

→

Sucedanto Christian Wulff