*Zoo (en oficala Ido bestiogardeno o zoologiala gardeno) esas loko ube animali mantenesas e flegesas en klozeyi por publika observo e, kelkafoye, riproduktado, nome se la speco minacesas pri extingo. La vorto originis de la Greka ζώον, zoon, signifikanta "animalo". L'unesma moderna zoo apertesis en 1828 por ciencala studii, e por publika vizito en 1847.
La preirinto di la moderna zoi nomizesis "menajerio", qua esis animali skarsa, stranja, remarkinda, de qui konsistis kolektajo di parko zoologiala, ordinare kreita da rejii od imperiestri sive por chasado o por montrar lua povo. La maxim anciena menajerio konocata, evanta 3500 yari, deskovresis en Hierakonpolis, Egiptia. Ol inkluzis hipopotami, bufali, elefanti, babuini e linci. En Amerika, Moctezuma la 2ma, imperiestro dil populo Azteka, havis granda kolekturo di uceli, mamiferi e repteri che gardeno en Tenochtitlán, gardita da plu kam 600 personi.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
