From Wikipedia, the free encyclopedia
Vidkun Abraham Lauritz Jonssøn Quisling naskis ye la 18ma di julio 1887 e mortigesis per fusilagado ye la 24ma di oktobro 1945. Quisling esis Norvegiana oficiro e politikisto. Il esis ministro pri defenso di Norvegia de 1931 til 1933 ed anke chefo de guvernerio de Norvegia dum 1942-1945, dum Germana okupado di Norvegia.
Vidkun Quisling | ||
![]() | ||
Chefministro di ![]() | ||
Guvernisteso: | de la 1ma di februaro 1942 til la 9ma di mayo 1945 | |
Precedanto: | Johan Nygaardsvold | |
Sucedanto: | Johan Nygaardsvold | |
Personal informi | ||
Naskodato: | 18 di julio 1887 | |
Naskoloko: | Fyresdal, Telemark, Suedia-Norvegia | |
Mortodato: | 24 di oktobro 1945 | |
Mortoloko: | fortreso Akershus, Oslo, Norvegia | |
Spozo: | Alexandra Andreyevna Voronina Maria Vasilyevna Pasek (kontroverse) | |
Profesiono: | militisto e politikisto | |
Politikala partiso: | Nasjonal Samling |
Il esis filiulo de la sacerdoto e genealogiisto Jon Lauritz Qvisling. Vidkun Quisling adulteskis en Fyresdal, Telemark e Gjerpen, extere la urbo Skien. Adolecanto, il frequentis liceo en Drammen. Il examinis en 1905. En 1911 il finis sua studii che Norvegiana milit-universitato. Ibe ilu studiis pri artilrio. Ilua studio-resultaji esis ecelanta, il esis la maxim bona studento depos la konstrukto de ilua skolo en 1817. Il promocesis a kapitano en 1917.
Ye la fino dil unesma mondomilito, Quisling esis militala atasheo en Petrograd, en olima Soviet-Uniono. Ibe il okupesis kun humanala nutrajo-helpo a famino-strokita homi. La helpo duktis de Fridtjof Nansen, la famoza norvegiana explorero de la arktiko. Quisling duktis la laboro en Ukraina. Inter yari 1926 e 1929, Quisling rezidis e laboris en Moskva. Ibe il esis diplomacala reprezentanto por Unionita Rejio. Por sua laboro ilu grantis l'Angla Imperialia Medalio en 1929. Ma en la yaro 1944, Angla guberno revokis la medalio. Dum la yaro 1923, Quisling postulis ke Norvegia mustis agnoskar Soviet-Uniono. Ma kande Quisling retroiresis a Norvegia en decembro 1929 ilu facis forta disociado de Soviet-Uniono. En la yaro 1931 ilu e Frederik Prytz kreis la organizuro "Nordisk folkereisning i Norge". Ica organizuro intencesis kom elitala organizuro kun fashista politikala vidopunto, por homi en l'ekonomiko e anke militisti. En aprilo 1932 Quisling asertis, ke membri de Norvegiana laborista movado, helpita da Soviet-Uniono, projetabis stato-stroko en Norvegia.
En la yaro 1933 Quisling e Johan Bernhard Hjort konstitucis la partiso Nasjonal Samling en Norvegia. En la komenco ca partiso pledis por kristana-dextrana politiko, ma lore 1935 la partiso adheris su a la germana nacional-socialista partiso (NSDAP). Quisling kredis ke il ipsa havis konoco da la skopi del historio e aklamis la jeristo-principo. Nasjonal Samling tamen strandis divenor politikala povo en Norvegia ante la erupto del duesma mondo-milito.
Kande Germania atakis Norvegia ye la 9ma di aprilo 1940, Vidkun Quisling proklamis ye la sama vespero ke lu konstitucis nova Norvegiana guvernanto, e lu ipsa esis la nova chefministro ed anke ministro dil exterlanda aferi. Tamen Germania dissolvesis lua guberno kelka dii pose.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.