From Wikipedia, the free encyclopedia
La U-Bahn di München esas sistemo di elektrala rapida transporto en München, Germania. "U-Bahn" esas la germana kurtigo di Untergrundbahn o "subtera fervoyo".
La U-Bahn di München komencis funcionar en 1971. Ol jeresas da la municipale proprietata Münchner Verkehrsgesellschaft o MVG. La reto esas integrigita aden la Münchner Verkehrs- und Tarifverbund o MVV ed interkonektita kun la sistemo S-Bahn di München. La U-Bahn di München nun kontenas ok linei, servanta 96 stacioni (100 stacioni se quar interchanjo-stacioni kun aparta niveli por diferanta linei kontesas dufoye) e 103,1 kilometri de voyi.
La reto havas 103,1 kilometri de aktiva voyo e cent stacioni. En 2014, 390 milion pasajeri vehis per la U-Bahn. La treni voyajas ye rapidesi til 80 kilometri/horo, la maxim alta rapideso di omna germana U-Bahn. Esas nula kontinua funciono dum la nokto (pauzo de 1 til 4 am, 2 til 4 am dum semanfini) ecepte ye specala dati quala Nova Yaro.
Nuntempe, nur la U6-lineo transiras la municipala frontiero al urbo Garching.
Ecepte la linei U5 ed U6, omna linei funcionas tote subtere. U5 nur emersas ye la suda termino Neuperlach-Süd; U6 en la norda segmento de Studentenstadt (ecepte stacioni e tuneli ye Garching e Garching-Forschungszentrum).
Esas tri "lineo-familii", qui konsistas ek du linei kun komua voyo en la urbo-centro. La kloktabeli di ca linei koordinesas tale ke treni arivas reguloze che la komuna segmento.
Generale treni che la U-Bahn arivas omna du, kin, dek o duadek minuti, depende la kloko.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.