From Wikipedia, the free encyclopedia
Tallahassee esas la chef-urbo dil Usana stato Florida. Segun la demografiala kontado di 2020, ol havis 196 169 habitanti. Lua tota surfaco esas 268,39 km². Lua metropolala regiono havis 379 627 habitanti en 2016.
Tallahassee, Florida | ||
![]() | ||
Kelk imaji pri Tallahassee. | ||
![]() |
![]() | |
Standardo | Blazono | |
Lando: | ![]() | |
Stato: | Florida | |
Informo: | ||
Latitudo: | 30°27'18" N | |
Longitudo: | 84°15'12"W | |
Altitudo: | 62 m | |
Surfaco: | 271,27 km² | |
Habitanti: | 196 169 (2020) | |
Denseso di habitantaro: | 743,64 hab./km² | |
Horala zono: | UTC-5 (UTC -4 dum la somero) | |
Urbestro: | John Dailey (D) | |
Mapo: | ||
Oficala retosituo: | ||
www.talgov.com |
Ol divenis chef-urbo di Florida en 1824. L'urbo esas sideyo dil universitato Florida State, qua judikesas kom la 33ma maxim bona universitato de Usa.
Segun Usana Kontado-Ministerio, Tallahassee havas entote 271,27 km², equivalanta a 104,74 mi², di qui 263,8 km² (101,85 mi²) esas lando e 7,47 km² (2,89 mi²) esas aquo. La reliefo dil urbo esas kelke kolinoza, kompare altra regioni de Florida. Lua mezavalora altitudo esas 62 metri. Lua maxim alta punto esas la kolino ube jacas l'edifico di statal asemblo.
La klimato dil urbo esas humida subtropikala (Cfa segun la klimatala klasifikuro da Köppen). La mezavalora temperaturo en januaro (vintro) esas 11,2°C, kontre ke la mezavalora temperaturo en julio (somero) esas 28,1°C. La maxima temperaturi dum la somero esas plu alta ibe kam en la peninsulo di Florida. Altralatere, dum la vintro lua temperaturi esas plu kolda, e mem povas falar infre 0°C dum kelka dii. Tamen, rare nivis dum la historio dil urbo. Dum tale nomizita "granda nivegoza tempesto" di 1899, la temperaturo falis til -19°C, la maxim basa temperaturo ulatempe enrejistrita en Tallahassee.
La pluvoza sezono iras de junio til setembro, quankam nulatempe existas sika sezono. La mezavalora yarala pluvo-quanto esas 1494 mm, e la maxim pluvoza monato esas agosto, kun mezavalore 193 mm.
Segun la demografiala kontado di 2000, esis 150,624 homi, 63,217 hemanari, e 29,459 familii qui rezidis en la urbo. La denseso di habitantaro esis 607.6/km² (1,573.8/mi²). Esis 68,417 domi kun mezvalora denseso di 276.0/km² (714.8/mi²). Segun raso, esis 60.42% Blanki, 34.24% Negri od Afrikan-Usani, 0.25% indijeni Amerikana, 2.40% Aziani, 0.05% Pacifik-insulani, 0.97% de altra rasi, e 1.67% de du o plura rasi, e 4.19% de la habitantaro esis Hispan-Amerikani o Latin-Amerikani de irga raso.
Esis 63,217 hemanari, di qui 21.8% havis pueri od adolecanti evante min kam 18 yari en la domo, 30.1% esis mariajita e habitis kune; en 13.2% muliero sen spozulo esis la domo-chefo, e 53.4% esis ne-familii. En 34.7% de omna hemanari vivis unika sola individuo, e 6.0% habitesis da ulu evante 65 yari o pluse qua vivis sole. La mezvalora grandeso po hemanaro esis 2.17 personi e la mezvalora grandeso po familio esis 2.86 personi.
La procento di habitanti segun evo esis: 17.4% sub l'evo di 18, 29.7% de 18 til 24 yari, 27.9% de 25 til 44 yari, 16.8% de 45 til 64 yari, e 8.2% evante 65 yari o pluse. La mezvalora evo esis 26 yari. Po singla 100 mulieri esis 89.5 viri. Po singla 100 mulieri evante 18 yari o pluse esis 86.7 viri.
La mezvalora revenuo po hemanaro en la urbo esis $30,571, e la mezvalora revenuo po familio esis $49,359. La mezvalora revenuo por la viri esis US$ 32 428,00 kontre US$ 27 838,00 por la mulieri. La revenuo per capita por l'urbo esis US$ 18 981,00. Vivis sub la povreso-lineo 24.7% de la habitantaro e 12.6% de la familii. Ek omna habitantaro evante min kam 18 yari, 21.6% ed ek omna habitantaro evante 65 yari o pluse, 8.4% vivis sub la povreso-lineo.
Chef-urbi di Usana stati |
---|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.