![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/12/Garment_Workers_on_Strike%252C_New_York_City_circa_1913.jpg/640px-Garment_Workers_on_Strike%252C_New_York_City_circa_1913.jpg&w=640&q=50)
Sindikato laborala
From Wikipedia, the free encyclopedia
Sindikato laborala esas asociitaro de salariati qua esforcas defensar sua interesti koncerne laborala standi, protektar e reprezentar legale sua kunsindikatani dum negocii kun patroni, serchante obtenar plubonigo di salarii, di laborala standi, od ambe, tra kolektiva negocii. La skopo di ca asociitari esas "mantenar o plubonigar la laboro-stando".
![Thumb image](http://upload.wikimedia.org/wikipedia/commons/thumb/1/12/Garment_Workers_on_Strike%2C_New_York_City_circa_1913.jpg/640px-Garment_Workers_on_Strike%2C_New_York_City_circa_1913.jpg)
La sindikati di laboristi aparis dum la 18ma yarcento, kande la rapida industriigo transformis granda nombro di mulieri, pueri, povra rurani ed enmigranti en labor-povo en la nova fabrikerii e mineyi. Lor, la laboro-standi esis multe mala, kun nesalubreso en multa loki, longa laborojorni (12 hori, 16 hori o mem pluse), manko di protekto a gravida mulieri, edc. Dum ca epoko, l'organizo di laboristi por demandar bona laboro-standi konfrontis l'enemikeso da la patroni, e la chefi di ca organizuri ofte persequesis sub multa tipi di akuzi pri konspiro.