![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0a/Monarch_Butterfly_Danaus_plexippus_on_Milkweed_Hybrid_2800px.jpg/640px-Monarch_Butterfly_Danaus_plexippus_on_Milkweed_Hybrid_2800px.jpg&w=640&q=50)
Papiliono
From Wikipedia, the free encyclopedia
Papiliono esas insekto qua havas quar ali, kolorizita per squami dina quala polvo.
![Thumb image](http://upload.wikimedia.org/wikipedia/commons/thumb/0/0a/Monarch_Butterfly_Danaus_plexippus_on_Milkweed_Hybrid_2800px.jpg/640px-Monarch_Butterfly_Danaus_plexippus_on_Milkweed_Hybrid_2800px.jpg)
Adulta papilioni havas granda, ofte brilanta-kolora ali, ed evidente tremanta flugo. Fosili di papilioni devenas de la Paleoceno, c. 56 milion yari ante nun.
Papilioni havas la tipala quar-faza insektala vivo-ciklo. Alizita adulti depozas ovi sur la nutrivo-planto per qua sua larvi, konocata kom raupi, nutros su. La raupi kreskas kelkafoye tre rapide, e kande pardevelopita, krizalideskas. Kande metamorfoso esas kompleta, la pelo krevisas, la adulta insekto ekreptas, e pos ke lua ali expansesis e sikeskis, ol forflugas. Ula papilioni, aparte en la tropiki, havas plura generacioni dum un yaro, dum ke altri havas un generaciono, ed ula en kolda loki bezonas plura yari por trapasar sua tota vivo-ciklo.
Papilioni esas ofte polimorfa, e multa speci uzas kamuflo, imito ed aposematismo por evitar sua rapteri. Ula, exemple la Monarko e la Vanessa cardui, migras trans longa disti. Multa papilioni atakesas da paraziti, inkluzanta vespi, protozoi, mushi, ed altra senvertebri, o raptesas da altra organismi. Ula speci esas pesti pro ke en sua larvala fazi li povas domajar rekoltaji od arbori; altra speci esas agenti di polenizo di ula planti. Larvi di kelka papilioni (ex. Miletinae) manjas nociva insekti, ed ula esas rapteri di formiki, dum ke altri vivas reciproke kun formiki.
Kulturale, papilioni esas populara motifo en la vidala e literaturala arti.
![Thumb image](http://upload.wikimedia.org/wikipedia/commons/thumb/0/0e/Monarch_Butterfly_Danaus_plexippus_Feeding_Down_3008px.jpg/640px-Monarch_Butterfly_Danaus_plexippus_Feeding_Down_3008px.jpg)