From Wikipedia, the free encyclopedia
Novosibirsk esas la 3ma maxim populoza urbo di Rusia dop Moskva e Sankt-Peterburg, e la maxim populoza urbo di Siberia, chef-urbo di provinco Novosibirsk. Segun statistiki de 2017, ol havis 1 602 915 habitanti. Lua tota surfaco esas 505,62 km².
Novosibirsk | ||
![]() | ||
Kelk imaji pri Novosibirsk. | ||
![]() |
![]() | |
Standardo | Blazono | |
Lando: | ![]() | |
Informo: | ||
Latitudo: | 55°03' N | |
Longitudo: | 82°57' E | |
Altitudo: | 150 m | |
Surfaco: | 505,62 km² | |
Habitanti: | 1 602 915 (2017) | |
Denseso di habitantaro: | 3170,2 hab./km² | |
Horala zono: | UTC+7 | |
Mapo: | ||
![]() | ||
Novosibirsk esas l'administrala centro di la federala distrikto Siberia e dil oblast Novosibirsk. L'urbo extensas sur l'amba rivi dil fluvio Ob, proxim granda rezervuyo aquala, qua furnisas elektro al urbo e a la vicina regioni.
Lua precipua industrii esas metalifado e mashino-fabrikado. L'urbo ank esas importanta centro por transporto di komercaji.
L'urbo fondesis 1893[1] kom la futura sito di ponto che la Transsiberia fervoyo por transirar la fluvio Ob. Unesme ol nomizesis Novonikolayevsk, honore ambe Santa Nikolaus e la caro Nikolai la 2ma di Rusia. La ponto kompleteskis en 1897, e l'urbo divenis lokala centro por transporto. L'importo dil urbo augmentis kande ferovoyo de Turkestan a Siberia kompleteskis dum la 20ma yarcento.[2]
Kande la ponto kompleteskis, Novosibirsk havis 7.800 habitanti. En 1907 ja esis 47 mil personi. En 1905 inauguresis lua unesma banko, ed en 1915 ol ja havis 5 banki. Ol anke divenis un ek la maxim prosperoza industriala e komercala urbi de Siberia. Cirkume 1917, l'urbo ja havis 7 Ortodoxa kirki.
Pos la komenco dil interna milito Rusa, l'urbo subisis epidemii di tifo e kolero, qui viktimigis mili di personi.
La reliefo di Novosibirsk esas plana, jacanta an la granda planajo di Siberia, okupanta amba rivi dil fluvio Ob. Sude del urbo jacas la platajo Priobskoye. La maxim alta punto jacas metri super la marala nivelo.
La klimato dil urbo esas humida kontinentala (Dfb segun la klimatala klasifikuro da Köppen), la dominacanta klimato di Siberia, kun limpida cielo e konjelanta venti dum la vintro. La mezavalora temperaturo en januaro (vintro) esas -16,5°C ma povas falar til -30°C e mem -35°C, kontre ke la mezavalora temperaturo en julio (somero) esas 19,4°C e povas superirar 35°C dum kelka dii.
La mezavalora yarala pluvo-quanto esas 460 mm, e la maxim pluvoza monato esas julio, kun mezavalore 66 mm.
L'urbo esas importanta haltopinto che la Transsiberia fervoyo e la nordala termino di la fervoyo Turkestan-Siberia. L'aeroportuo Tomachevo ligas Novosibirsk ad altra Rusa urbi ed anke a Europa ed Azia. Anke existas la mikra aeroportuo Yeltsovka.
La metroo di Novosibirsk inauguresis en 1986, esanta l'unesma sistemo di metroo en Siberia. Ol konsistas ek du linei kun entote 15,9 km e 13 stacioni. Un ek la linei trairas la fluvio Ob per ponto. Ultre la metroo, l'urbala sistemo di transporto konsistas ek linei di troleobusi, tramveturi, autobusi e Marshrutkas (buseti).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.