Movado di Lasta-Dia Santi (anke nomizita LDS-movado o LDS-restaurismo-movado) esas grupo di nedependanta eklezii origine en Kristana primitivista movado fondita da Joseph Smith, Jr. dum la fino di 1820. Ica eklezii havas entote 14 milion membri. La maxim granda parto di mormoni apartenas a L'Eklezio di Iesu Kristo di Lasta-Dia Santi, e lua precipua teologio esas mormonismo. La minoritato de la Lasta-Dia Santi kredas en tradicionala protestantala teologio, exemple la Kongregaciono di Kristo e separis su de diferanta doktrini di mormonismo.
La movado komencis en westa New York dum la Duesma Granda Vekigo kande Smith dicis, ke il recevis vizioni revelanta nova sakra texto, la Libro di Mormon, qua publikigesis ye 1830 kom suplemento a Biblo. Apogante su en la docaji di ta libro ed altra reveli, Smith fondis Kristana primitivista eklezio kun nomo Eklezio di Kristo. La Libro di Mormon adduktis multa unesma adheranti, qui pose konocesis kom "Mormoni", "Lasta-Dia Santi" o nun "Santi". En 1831 Smith movis la sideyo dil Eklezio a Kirtland, Ohio, ed en 1834 il chanjis lua nomo ad "Eklezio di la Lasta-Dia Santi".
Pose l'Eklezio en Ohio krulis pro deskonkordi ye 1838, Smith e la precipua korpo di l'Eklezio translojis a Missouri, e pose ad Illinois. Pos lua morto ye 1844, sucedala krizo igis la organizuro dividar su en multa grupi. La maxim granda esas l'Eklezio di Iesu Kristo di Lasta-Dia Santi, qua translojis ad Utah sub la dukto di Brigham Young, e divenis konocita dum la 19ma yarcento pro lua praktikado di poligamio. En 1890 l'Eklezio formale renuncis la poligamio e la teritorio di Utah divenis Usana stato. Ta chanjo rezultis formaco di mikra sekti, qui volis mantenar poligamio ed altra mormona doktrini e praktiki, nune konocata kom Mormona fundamentalismo.
- Historio di la Movado di Lasta-Dia Santi
- Eklezio di Iesu Kristo di Lasta-Dia Santi
- Kongregaciono di Kristo
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.