From Wikipedia, the free encyclopedia
Moros esas municipo en la provinco Zaragoza, Aragon, Hispania. Segun statistiki dil yaro 2014, ol havis 406 habitanti. Lua tota surfaco esas 53,5 km².
| Moros, Zaragoza | ||
 | ||
| Moros. | ||
| Lando: |  Hispania | |
Informo: | ||
| Latitudo: | 41°24' N | |
| Longitudo: | 1°49' W | |
| Altitudo: | 791 m | |
| Surfaco: | 53,5 km² | |
| Habitanti: | 406 (2014) | |
| Denseso di habitantaro: | 7,6 hab./km² | |
| Horala zono: | UTC+1 (UTC +2 dum la somero) | |
 • Moros | ||
En 2006 ol havis 478 habitanti.
Moros situesas en la montokateno konocata kom Sistema Ibérico. Ol jacas en la valo di la rivero Manubles, qua debushas an rivero Jalón. Manubles sinuifas cirkum la rokaro sur quo Moros stacas.
Moros esas un ek la maxim atraktiva e pitoreska vilaji tala en sua areo. Olua streta stradi zigzagas de la placo ye la maxim alta punto, til la rivero-lito sube.
La domi esas la precipua saliajo dil urbo. Centi de domi konstruktesis an la sunoza latero dil monto. Li konstruktesis per fango ed ornesis per reda ed okrea araba teguli. Singla nivelo de domi acencas super la suba, tale recevante la suno kande ol brilas super la valo.
La rivero sube aquizas la gardeni e fruktarboreyi. La loko esas famoza pro sua tranquileso e silenco. Du ponti transiras la rivero.
Moros jacas sur la mezepokala frontiero qua separas Islamana e Kristana rejii. Moros en la Hispana signifikas "Islamani". Pos la ekpulso dil Islamani ol transpazis la Rejio Aragon e la Rejio Kastilia. Konseque, la urbo montras influi de plura kulturi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
