La ghetto di Yanavichi esis de la 25ma di agosto 1941 til 10ma di septembro 1941 parto dil kolonieto urbaltipa Yanavichi (provinco Viciebsk), a qua on koakte diplasesis Judi de l'urbo e proxima loki dum okupado di Bielorusia da Naziista Germania dum duesma mondomilito. Ico eventis kom parto di Naziista sistemo di exterminado di Judala habitantaro.
![Thumb](http://upload.wikimedia.org/wikipedia/commons/thumb/d/d0/Ghetto_Yanovichi_1b.jpg/640px-Ghetto_Yanovichi_1b.jpg)
En 1939 en Yanavichi lojis 2037 habitanti, ed enca nombro 709 Judi.
Naziisti okupis Yanavichi de la 12ma di julio 1941 til 10ma di oktobro 1943, e quik komencis mortigir Judala viruli evinta 15-50 yari. Pose Germani mortigis adolecinti e olda personi. Ye la 2ma di agosto 1941 150 Judi kolektesis e duktesis vers vilajo Valki, ube ili mortigesis. Kelka dii pose same eventis kun sekvanta 70 viruli.
De la 25ma di agosto 1941 Naziisti enternis repozinta cirkume 2000 Judi de Yanavichi e altra loki proxima en la ghetto, quo existis til 10ma di septembro 1941.
La karcerani mustis koakte laborir omnadie e ofte grupi de ili ne rivenis mortigita maxim-multa-kaze proxim vilajo Ahrutki.
Ye la 10ma di septembro 1941, Judi del ghetto transportesis 7 kilometri de Yanavichi vers vilajo (ja ne existanta) Zaiceva (hodie apud ex-loko jacas samanoma arkeologiala monumento deskovrita ja pos duesma mondomilito) proxim vilajo Liopina. Unesma viktimi esis grupo cirkume 20 puerini, qui ante mortigo violacesis. Sume Naziisti transportis adhike cirkume 1600 Judi (en 16 kamioni e 4 grupi) – preske nur mulieri, yunaro e pueri. L'infanti mustis saltir de automobili ad profunda truo e enterigesis kom ankore viva.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.