Caldwell, Idaho

Caldwell esas urbo en komtio Canyon, Idaho, Usa. Segun la demografiala kontado di 2020, ol havis 59 996 habitanti, kontre 46 237 habitanti en 2010, e 25 967 habitanti en 2000. Lua tota surfaco esas 58,71 km², equivalanta a 22,67 mi², de qui nur 0,14 km², equivalanta a 0,06 mi², esas aquo.

Caldwell, Idaho
Aeral imajo pri Caldwell.
Lando:	Usa
Stato:	Idaho
Informo:
Latitudo:	43°40'N
Longitudo:	116°41'W
Altitudo:	724 m
Surfaco:	58,71 km²
Habitanti:	59 996 (2020)
Horala zono:	UTC-7 (UTC-6 dum somero)
Urbestro:	Jarom Wagoner
Mapo:
Oficala retosituo:
http://www.cityofcaldwell.com/

Historiala konstrukturo (domo di William Isaacs) en Caldwell.

Demografio

Segun la demografiala kontado di 2010, esis 46 237 homi, 14 895 hemanari e 10 776 familii qui rezidis en la urbo. La denseso di habitantaro esis 809,3 hab./km² (2096 hab./mi²). Esis 16 323 rezideyi kun mezavalora denseso di 285,7 hab./km² (739,9 hab./mi²). Segun raso, esis 77,5% blanki, 0,6% negri, 1,2% aborijeni Amerikana, 0,9% Aziani, 0,1% Pacifik-insulani, 16,1% de altra rasi, e 3,6% de du o plura rasi. Hispan-Amerikani o Latin-Amerikani de irga raso esis 35,4% de la habitantaro.

Esis 14 895 hemanari, di qui 46,5% havis pueri od adolecanti evante min kam 18 yari en la domo, 50,5% habitesis da pari mariajita; en 15,5% muliero sen spozulo esis la domo-chefo, e 27,7% esis ne-familii. En 21,7% de omna hemanari vivis singla sola individuo, e 8,5% habitesis da sola individuo evante 65 yari o pluse. La mezvalora grandeso po hemanaro esis 3 personi e la mezvalora grandeso po familio esis 3,51 personi.

La procento di habitanti segun evo esis: 33,1% evante min kam 18 yari, 11,5% evis de 18 til 24 yari, 28,4% evis de 25 til 44 yari, 18,2% evis de 45 til 64 yari, e 8,9% evis 65 yari o pluse. La mezavalora evo dil habitantaro en 2010 esis 28,2 yari. De la habitantaro, 49,4% esis viri e 50,6% esis mulieri.