Ti Anguilla ket maysa a Ballasiw Taaw a teritorio ti Britaniko idiay Karibe. Maysa daytoy kadagiti akin-amianan unay nga Is-isla ti Leeward idiay Lesser Antilles, a naisanglad iti daya ti Puerto Rico ken ti Is-isla ti Birhen ken dagus nga amianan iti San Martin. Daytoy a teritorio ket buklenna ti kangrunaan nga isla iti Anguilla, agarup daytoy a 26 km (16 mi) a kaatiddog babaen ti 5 km (3.1 mi) a kalawa iti kalawaan nga ungto, a mairan dagiti babbabassit pay nga is-isla nga awan dagiti agtaeng. Ti kapitolio daytoy nga isla ket ti The Valley. Ti dagup a kalawa ti daga daytoy a teritorio ket 91 km2 (35 sq mi), nga adda populasion ti agarup a 13,500.