Bietnamis a Budista a monghe a nangpuor iti bagbagina From Wikipedia, the free encyclopedia
Ni Thích Quảng Ðức, (naipasngay idi 1897) ket maysa a Bietnamis a Budista a monghe a nangpuor iti bagbagina iti maysa a makumikom a nagkurusan iti Saigon idi Hunio 11, 1963, kas panangipakita ken panangipariknana iti protestana kontra iti panangtrato ti administrasion ti Kangrunaan a Ministro a ni Ngo Dinh Diem a panangidadanes iti relihion a Budismo.
| Thích Quảng Đức | |
|---|---|
 Ti pammadayaw kenni Thích Quảng Đức a naipakpakita idi pinuoranna ti bukod a bagina. | |
| Relihion | Mahayana Budismo |
| Dadduma payname(s) | Bồ Tát Thích Quảng Đức (Bodhisattva Thích Quảng Đức) |
| Bukod a salaysay | |
| Naipasngay | 1897 Hội Khánh, Pranses nga Indotsina |
| Pimmusay | 11 Hunio 1963 (tawen 65–66) Saigon, Bietnam |
| Kangatuan a puesto | |
| Kuartel | Abagatan a Bietnam |
| Titulo | Budista a monghe |
| Panawen a nagtakem | 1917–1963 |
| Relihioso a karrer | |
| Ordinasion | 1917 |
| Puesto | Mangipangulo iti Sangkabennegan dagiti Seremonia a Ritos iti taripnong dagiti Bietnamis a Monghe Abad iti Phước Hòa a pagoda |
Ti aramidna a bukod a pananguram iti bagina, nga inulit met ti dadduma kalpasanna, ket nasaksian ni David Halberstam, maysa a reporter ti New York Times, a nangisurat:
Maimatangakto manen daydiay a buya, ngem ti naminsan ket kuston. Sumsumged a tao; in-inut a kumbet ken kumriit ti bagina, ngumisngisit ti ulona a makmakset. Agad-adiwara iti angin ti bang-i ti mapupuoran a lasag ti tao; nakakaskasdaaw man a nagbiit a mauram ti bagi ti tao. Iti likudak mangngegak ti saning-i dagiti agar-aribungbong a Bietnamis. Naklaatak la unay ket diak makasangit, mariribukanak unay ket diak makaikur-it wenno makapagsaludsod, napakigtotanak uray la koma agpanunot... Ket idinto a mapupuoran saanna man laeng a pulos a kinuti ti uray ania a piskelna, di man laeng nangyesngaw iti uray ania nga uni, ti natalna a pakinakemna ket maiduma unay kadagiti agsasangit a tattao iti lawlawna.
Inrurumen ni Madam Nhu, Umuna a Balasang iti Vietnam idi ken maysa nga Katoliko, iti ipapatay ni Quang Duc. Imbagana nga palakpakanna manen no mabuyana iti ipupuor ti maysa nga monghe.
Kalpasan iti pinakatay ni Quang Duc, iti gimong nga Budista idiay Saigon ket pinadasda nga palpasen nga puoran iti nabati nga pusona ngem ad-adda nga timmangken. Kinunada garud nga nasantoan iti pusona ket indulinda iti Banko Reserve ti Bietnam. Iti monasteria ni Duc ket nakadisso iti ruar ti Huế idiay tengnga ti Bietnam.
Daytoy a ladawan ni Quang Duc ket inaramat iti banda nga Amerikano a Rage Against the Machine iti umuna a plakada idi 1992.
Dagiti midia a mainaig ken ni Thich Quang Duc iti Wikimedia CommonsSeamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
