Ti Bulkan Malinao ket bulkan a mabirukan idiay Rehion ti Bicol iti Filipinas. Ti estratobulkan ket awan ti naipakasaritaan a panagpussuak ngem mangipakpakita ti napigsa a pumarola nga aktibidad a naal-ala para iti panagpataud ti elektrisidad. Ti mabirukan iti bakrasna ket ti Heotermal a Pasdek ti Elektrisidad ti Tiwi, maysa kadagiti immuna a pasdek ti enerhia ti heotermal a naikomisionado iti pagilian.[2]
Bulkan Malinao | |
---|---|
Bulkan Buhi wenno Takit | |
Kangatuan a punto | |
Kangato | 1,548 m (5,079 ft) [1] |
Listaan | Dagiti mabalin nga aktibo a bulkan ti Filipinas |
Nagsasabtan | 13°24′58″N 123°36′30″E |
Heograpia | |
Lokasion | Luzon Filipinas |
Heolohia | |
Tawen ti bato | Kuatenario |
Kita ti bantay | estratobulkan |
Arko/barikes | Bulkaniko a Kawar ti Bicol |
Naudi a bimtak | Di ammo |
Lokasion
Ti Bulkan Malinao ket mabirukan idiay nagbaetan dagiti probinsia ti Albay ken Camarines Sur idiay abagatan a daya a rehion ti Isla ti Luzon ; ti agarup a 20 km (12 mi) amianan-amianan laud ti Bulkan Mayon, ti kaaktibuan a bulkan iti Filipinas.
Dagiti pisikal a langa
Ti bantay ket kabakiran nga adda ti katayag iti 1,548 metro (5,079 ft) iti ngato ti natimbeng a lessaad ti baybay ket diametro ti babana iti 22.5 kilometro (14.0 mi). Iti pantok ti bulkan ket ti dakkel nga abut nga dda iti lamolamo nga akin-uneg a diding a nasawang iti akin-daya a bangir. Iti akin-baba a bakras iti daytoy a bangir ti kaaduan nga andesitiko a bulkan, ket isu dagiti kadakkelan a solpatara ken napudot nga ubbong ti Luzon, ken adda met dagiti agidepdeposito ti siliceous sinter. Ti Naglagbong ken Jigabo ket dagiti dua a termal a bubon a mabirukan iti bulkan. Dagiti temperatura ket makaabot ti 108 °C (226 °F) a nairehistro kadagiti pumarola ti Naglagbong.[1][3][4]
Heotermal a Pasdek ti Elektrisidad ti Tiwi
Daytoy a lugar ket maysa idi kadagiti immuna a naad-adal para iti panagpataud ti elektrisidad a nangrugi iti 250kW a pasdek ti elektrisidad idi 1967.[5] Idi 1979, ti immuna kadagiti tallo a 110 MW a heotermal a pasdek ti elektrisidad ket nakomisionado iti dayta a tawen; dagiti sabali pay a dua ket, idi 1980 ken 1982. Iti kasayaatna, ti pasdek ket nakapataud ti kaadu a naparuar iti 330 MW. Iti agdama, ti pasdek idi 1979 ket nadekomisionado gapu ti panagpabassit ti naipaay nga alibungubong.[6][7]
Pannakaidasig
Ti Instituto ti Filipinas iti Bulkanolohia ken Sismolohia (PHIVOLCS), ti opisina ti gobierno a mangipanggep ti bulkanismo iti pagilian ket indasigna ti Malinao a kas mabalin nga aktibo a bulkan.[8]
Dagiti panagpussuak ken dagiti aktibidad
Awan dagiti naipakasaritaan a panagpussuak manipud iti Malinao a naipampamattian nga aktibo manipud idi tawtawen ti 500,000 aginggan idi tawtawen ti 60,000.[1]
Dagiti gingined idi 1970
Adda met dagiti immadu a panag-gingined idi 1970 ken kakuyog dagiti aggaradugod a daranudor iti Malinao a gauanan ti panangited ti ballaag a ti banaty ket mabalin nga agung-ungar manen. Dagiti kintayeg a naduktalan ket sumakopda manipud iti 1 aginggana ti 5 iti kapigsa.[3]
Bassit a panagbettak idi 1980
Adda met idi ti bassit a preatika a panagbettak iti alog a lugar ti Naglagbong idiay Tiwi idi Hulio29, 1980, nagpussuak met daytoy kadagiti pitak ken batbato aginggana iti 2⁄3 metro (2 ft 2 in), ken nakaabot iti 150 metro (490 ft) iti kangato ken kaadayo nga aginggana iti 350 metro (1,150 ft). Maysa a tao ti nasugatan ken dua a pasdek dagiti nadadael babaen ti panagbettak. Sakbay ti daytoy a pasamak, a sapsapa ngem idi Hulio 6, ti lugar ket nakasansanay kadagiti karkarna a mikroseismo a nairehistro idiay seismiko nga estasion iti Komision ti Bulkanolohia (COMVOL) – ti simmaruno iti PHIVOLCS – iti dayta a lugar. Ti panag-geyser ket nasiim pay iti alog, ti dua nga oras sakbay ti panagbettak. Ti maysa a teoria a maipanggep ti gapuanan ti panagbettak idi ket ti panagal-ala ti danum idi las-ud ti panagdur-as ti talon ti heotermal ti Tiwi.[3]
Kitaen pay
Dagiti nagibasaran
Dagiti akinruar a silpo
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.