Ti sasao nga Austroasiatiko,[1] iti kaudian a pannakaidasig ken sinonimo iti Mon–Khmer,[2] ket ti dakkel a pamilia ti pagsasao ti kontinental nga Abagatan a daya nga Asia, ken naiwarwaras pay idiay India, Banglades, Nepal ken ti akin-abagatan a pagbeddengan ti Tsina. Ti nagan nga Austroasiatiko ket nagtaud manipud kadagiti balikas ti Latin para iti "abagatan" ken "Asia", isu a ti "Abagatan nga Asia". Kadagitoy a pagsasao, ti laeng Bietnamis, Khmer, ken Mon ti addaan iti napaut a napundar a nairehistro a pakasaritaan, ken ti laeng Bietnamis ken Khmer iti addaan iti opisial a kasasaad a kas dagiti moderno a nailian a pagsasao (iti Bietnam ken Cambodia. Iti agpang a subnasional, ti Khasi ket addaan iti opisial a kasasaad idiay Meghalaya bayat a ti Santali ken Mundari ket dagiti opisial a pagsasao ti Jharkhand. Idiay Myanmar, ti pagsasao a Wa ket ti de facto nga opisial a pagsasao ti Estado ti Wa. Dagiti nabati a pagsasao ket insasao babaen dagiti minoridad a grupo ken awananda iti opisial a kasasaad.
Austroasiatiko | |
---|---|
Mon–Khmer | |
Heograpiko a pannakaiwarwaras | Abagatan ken Abagatan a daya nga Asia |
Lingguistika a pannakaidasig | Maysa kadagiti kangrunaan a pamilia ti pagsasao iti lubong |
Proto-pagsasao | Proto-Austroasiatiko |
Pannakabingbingay | |
ISO 639-5 | aav |
Glottolog | aust1305 |
![]() Sasao nga Austroasiatiko |
Inpalawag ti Ethnologue dagiti 168 a sasao nga Austroasiatiko. Dagitoy ket mangporma kadagiti sangapulo ket tallo a napundar a pamilia (mabalin pay a mainayon ti Shompen, a saan unay a nasayaat a napasingkedan, a kas ti maika-sangapulo ket uppat), a tradisonal a naigrupo iti dua, a kas Mon–Khmer ken Munda. Nupay kasta, ti maysa a kaudian a pannakaidasig ket mangipagarup a husto kadagiti talo a grupo (Munda, Nuklear a Mon-Khmer ken Khasi–Khmuiko)[3] bayat a ti sabali ket pinanawanna ti Mon–Khmer a kas takson, ken mangaramid daytoy a sinonimo iti dakdakkel a pamilia.[4]
Ti sasao nga Austroasiatiko ket adaan iti di naisilpo ken naiduma a pannakaiwaras iti ballasiw ti India, Banglades, Nepal ken Abagatan a daya nga Asia, nga insinsina babaen ti rehion iti ayan iti lugar a naisasao dagiti sabali a pagsasao. Agparangda a dagiti indihenio a pagsasao ti Abagatan a daya nga Asia, nga iti kaarruba a sasao nga Indo-Aryano, Tai–Kadai, Dravidiano, Austronesio, ken Sino-Tibetano a kas resulta dagiti naud-udi a migrasion.
Kitaen pay
- Sasao nga Austriko
Dagiti nagibasaran
Dagiti taudan
Adu pay a mabasbasa
Dagiti akinruar a silpo
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.