![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c8/Le_Corbusier_%25281964%2529.jpg/640px-Le_Corbusier_%25281964%2529.jpg&w=640&q=50)
Le Corbusier
Arkitekto, agdardaremdem, urbanista, ken mannurat / From Wikipedia, the free encyclopedia
Ni Charles-Édouard Jeanneret-Gris, kaaduan pay nga ammo idi a kas ni Le Corbusier (Pranses: [lə kɔʁbyzje]; Oktubre 6, 1887 – Agosto 27, 1965), ket maysa idi a Suiso-Pranses nga arkitekto, dumidibuho, pintor, urbanista, mannurat, ken maysa kadagiti pionero iti natawtawagan itan iti moderno nga arkitektura. Isu ket naipasngay idi idiay Suisa ken nagbalin nga umili ti Pransia idi 1930. Ti karrerna ket nagpaut kadagiti lima a dekada, nga addaan kadagiti naipatakder a pasdekna iti amin a paset ti Europa, India, ken Amerika.
Isu ket nangiregregget iti panangited ti nasaysayaat a kasasaad ti panagbiag kadagiti napusek a siudad, ni Le Corbusier ket impluensial idi iti urbano a panagplano, ken nagpundar a kameng idi ti Congrès international d'architecture moderne (CIAM). Ni Corbusier ket nangisagana ti kangrunaan a plano para iti naplano a siudad ti Chandigarh idiay India, ken nagkontribusion kadagiti naisangayan a desinio para kadagiti nadumaduma a pasdek idiay.