Purpuro ti Cuyo
grupo dagiti isla iti Palawan, Filipinas From Wikipedia, the free encyclopedia
Ti Purpuro ti Cuyo wenno Is-isla Cuyo, ket ti maysa a grupo dagiti agarup a 45 nga is-isla a mabirukan iti amianan a daya iti isla ti Filipinas iti Palawan.[1] Daytoy ket mabirukan iti abagatan ti Mindoro ken iti pagbaetan ti Akin-amianan a Palawan ken Panay. Daytoy ket naisentro iti kadakkelan nga isla iti purpuro, ti Isla Cuyo, iti kalawa iti 22 kuadrado milia (57 km2) ken agarup a 9 milia (14 km) iti kaatiddog.
 | |
.svg)  Purpuro ti Cuyo Lokasion iti kaunegan ti Filipinas | |
| Heograpia | |
|---|---|
| Lokasion | Baybay Sulu |
| Nagsasabtan | 10°51′N 121°01′E |
| Dagup ti is-isla | 45 |
| Kangrunaan nga is-isla |
|
| Kalawa | 50 sq mi (130 km2) |
| Administrasion | |
| Rehion | MIMAROPA |
| Probinsia | Palawan |
| Ili | |
| Demograpia | |
| Nagan dagiti umili | Cuyonon |
| Populasion | 45,718 (2010) |
Dagiti 45 nga isla ken babassit nga isla ti purpuro ket mangbukel iti dagup a kalawa ti daga iti 50 kuadrado milia (130 km2).[2] Nabingbingay ti Cuyo kadagiti dua a grupo ti isla. Iti amianan ket ti grupo ti Quiniluban. Iti abagatan ket ti grupo ti Cuyo, a pakabirukan ti sentro dagiti tallo nga ili ti Cuyo, Agutaya, ken Magsaysay.
Iti heolohia, dagiti isla ket mainaigda iti nangruna nga isla ti Palawan. Naipuestoda iti akinlaud nga igid ti Arko ti Luzon.[2] Ti isla ti Cuyo ket bulkaniko. Dagiti akin-amianan nga isla ti Quiniluban ket mabalin a dagiti naipasalto nga atol ti korales, ngem ti katayag dagiti sumagmamano a pantok ket napigsa a mangisingasing a bulkaniko a salto. Adda dagiti dati a plano a mangitakder ti Purpuro ti Cuyo a kas maisina a probinsia manipud iti Palawan, kas met iti napasamak iti nagbalin a nawaya ti Batanes manipud iti probinsia ti Cagayan.[2] Adu kadagiti sabali nga isla ti grupo ket kaaduan a korales.[2]
Nabingbingay ti Cuyo kadagiti tallo nga ili, ti Cuyo, Agutaya, ken Magsaysay:
- Cuyo, Palawan (akin-abagatan ken akinlaud a parte)
- Magsaysay, Palawan (akindaya a parte)
- Agutaya, Palawan (akin-amianan a parte)
No agkukuyog, 45,718 a tattao ti mangtagtagitao dagiti grupo ti isla ti Cuyo.[3]
Sumagmamano kadagiti nangruna nga isla, wenno dagiti grupo ti isla, ket dagiti sumaganad:
Grupo ti Quiniluban, akin-amianan a parte ti purpuro ti Cuyo.
Mabirukan ti Isla Manamoc iti amianan-akinlaud a parte ti purpuro ti Cuyo.
Isla Pamalican.
Isla Agutaya, ken ti bassit nga isla ti Oco iti sanguanan.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
