Isla Balabac

Ti Isla Balabac ket ti akin-abagatan unay nga isla ti probinsia ti Palawan iti Filipinas, daytoy ket agarup laeng a 50 kilometro (31 mi) iti amianan manipud iti Sabah, Malaysia, iti ballasiw ti Lingsat Balabac.

Isla Balabac

Isla Balabac Lokasion iti kaunegan ti Filipinas
Heograpia
Lokasion	Lingsat Balabac
Nagsasabtan	7°56′31″N 117°0′29″E
Purpuro	Grupo ti Is-isla Balabac
Kadenna a bagbagi ti danum	Baybay Abagatan Tsina Baybay Sulu
Kaatiddog	31 km (19.3 mi)
Kaakaba	17 km (10.6 mi)
Kangatuan nga elebasion	525 m (1722 ft)
Administrasion
Filipinas
Rehion	MIMAROPA
Probinsia	Palawan
Ili	Balabac

Iti administratibo, ti isla ket mangporma ti nangruna a parte ti ili ti Balabac ken nabingbingay kadagiti 14 a baranggay (dagiti sabali naga 6 a baranggay ti ili ket addada kadagiti sabali nga asideg nga isla):

Lokasion iti kaunegan ti Palawan

Agutayan Catagupan Indalawan Malaking Ilog Melville Pasig Rabor

Salang Poblacion I Poblacion II Poblacion III Poblacion IV Poblacion V Poblacion VI

Ti Isla Balabac ket pagtaengan dagiti nadumaduma nga endemiko a sebbangan. Daytoy ket pagtaengan dagiti billit a kas ti kolordapo nga imperial a pagaw (Ducula pickeringii), cockatoo ti Filipinas (Cacatua haematuropygia), blue-headed racket-tail (Prioniturus platenae), ken ti Kalaw ti Palawan (Anthracoceros marchei). Ti marabutit nga ugsa ti Filipinas, ken dagiti subsebbangan ti kalatakan a marabutit nga ugsa (Tragulus napu) ket mabirukan laeng iti daytoy nga isla.

Dagiti Molbog, ti grupo ti etnolingguistiko a Muslim, ket naikonsentradoda iti daytoy nga isla. Ti pagbiaganda ket mairaman ti panagtalon, panagkalap, panagsinnukat ken panagtagilako kadagiti kaarruba a sentro ti pagtagilakuan ti Mapun ken Sabah.

Silaw-taaw ti Rawis Melville idiay akin-abagatan a punto ti Isla Balabac, circa 1892.

Dagiti nagibasaran

• Isla Balabac (Nangruna a Luglugar dagiti billit iti Filipinas)
• Ti Molbog Naiyarkibo 2007-09-28 iti Wayback Machine

Dagiti akinruar a silpo

• Heograpiko a datos a mainaig iti Isla Balabac iti OpenStreetMap