![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6c/Diego_Vel%25C3%25A1zquez_Autorretrato_45_x_38_cm_-_Colecci%25C3%25B3n_Real_Academia_de_Bellas_Artes_de_San_Carlos_-_Museo_de_Bellas_Artes_de_Valencia.jpg/640px-Diego_Vel%25C3%25A1zquez_Autorretrato_45_x_38_cm_-_Colecci%25C3%25B3n_Real_Academia_de_Bellas_Artes_de_San_Carlos_-_Museo_de_Bellas_Artes_de_Valencia.jpg&w=640&q=50)
Diego Velázquez
Espaniol a pintor / From Wikipedia, the free encyclopedia
Ni Diego Rodríguez de Silva y Velázquez (Panangibalikas nga Espaniol: [ˈdjeɣo roˈðriɣeθ de ˈsilba i βeˈlaθkeθ]; nabuniaganidi Hunio 6, 1599 – Agosto 6, 1660) ket maysa idi nga Espaniol a pintor nga isu idi ti nangidaulo nga artista idiay korte ni Ari Felipe IV. Isu ket maysa idi nga indibidualistiko nga artista iti kontemporario a paset ti panawen a Baroko, nangruna a kas maysa a retrato nga artista. Iti maipatinayon kadagiti nadumaduma a panagaramidna kadagiti ladawan ti naipakasaritaan ken kultural a kaisangayan, isu ket nagpinpinta kadagiti adu a retrato dagiti naarian a pamilia ti Espania, ken dagiti dadduma paya natakneng nga Europeano a pigura, ken dagiti kadawyan, ken nagpatpatingga iti panagpataud ti obra maestrana a Las Meninas (1656).
Diego Velázquez | |
---|---|
![]() Bukod a retrato, 45 × 38 sm | |
Nayanak | Diego Rodríguez de Silva y Velázquez (1599-06-06)Hunio 6, 1599 Seville, Espania |
Natay | Agosto 6, 1660(1660-08-06) (tawen 61) Madrid, Espania |
Pakipagilian | Espaniol |
Nakaam-ammuan | Pinintaan |
Nalatak nga obra | Las Meninas, 1656 Rokeby Venus, 1644–1648 Ti Isusuko ti Breda, 1634–1635 Listaan dagiti obra |
Tignay | Baroko |
Manipud ti immuna a pagkapat ti maika-19 a siglo, dagiti obra nga arte ni Velázquez ket modelo idi para kadagiti realista ken impresionista a pintor, a naisangsangayan kenni iÉdouard Manet. Manipud idi ti dayta a panawen, adu kadagiti moderno nga artista, a mairaman ni Pablo Picasso ken Salvador Dalí ti Espania, ken dagiti Anglo-Irlandes a pintor a ni Francis Bacon, ket nangipammadayaw kenni Velázquez babaen panagipartuat manen kadagiti nadumaduma a nadayeg nga obrana.