![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b9/Choco_in_Colombia_%2528mainland%2529.svg/langilo-640px-Choco_in_Colombia_%2528mainland%2529.svg.png&w=640&q=50)
Departamento ti Chocó
departamento ti Colombia / From Wikipedia, the free encyclopedia
Ti Chocó ket maysa a departamento ti Colombia nga ammo para iti dakkel a populasionna nga Apro-Colombiano. Daytoy ket mabirukan idiay laud ti pagilian, ken is-isu ti departamento ti Colombia nga addaan kadagiti aplayana iti Taaw Pasipiko ken iti Taaw Atlantiko. Daytoy ket addaan pay amin a pagbeddengan iti Colombia iti Panama. Ti kapitoliona ket ti Quibdó.
Departamento ti Chocó
Departamento de Chocó | |
---|---|
![]() Ti Chocó ket naipakita iti nalabbasit | |
Nagsasabtan: 5°42′N 76°40′W | |
Pagilian | ![]() |
Rehion | Rehion ti Pasipiko |
Pannakabangon | Nobiembre 3, 1947 |
Kapitolio | Quibdó |
Gobierno | |
• Gobernador | Hugo Arley Tobar Otero |
Kalawa | |
• Dagup | 46,530 km2 (17,970 sq mi) |
• Ranggo | Maika-9 |
Populasion (2013)[3] | |
• Dagup | 490,327 |
• Ranggo | Maika-23 |
• Densidad | 11/km2 (27/sq mi) |
Sona ti oras | UTC-05 |
Kodigo ti ISO 3166 | CO-CHO |
Munisipalidad | 30 |
Ti Chocó ket addaan iti nadumaduma a heograpia, ti maysa a naisangsangayan nga ekosistema ken dagiti saan a nasuksukimat a masna a rekurso. Nupay kasta, ti populasionna ket addaan iti maysa a kababaan nga alagaden ti panagbiag kadagiti amin a departamento ti Colombia. Idi Marso 2007 ti midia ti Colombian ket nagirangarang nga adda dagiti agarup a 50 nga ub-ubbing a nabisinan kadagiti basbassit ngem tallo a bulan, a daytoy ket nagpartuat ti pannakaammuan iti nakaro a kasasaad a sangsanguan dagiti agtataeng ti Chocó. Dagiti parikut dagiti patakder ket naiparang pay. Kas pagarigan, nupay ti kasasaadna a kas ti katuduan a tanap iti lubong, nga adda ti agarup a 400 pulgada ti tinawen a panagtudtudo,[4] ti kapitolio ti Chocó a Quibdó ket naibusan ti danum.[5]