![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/03/Bohaiseamap2.png/640px-Bohaiseamap2.png&w=640&q=50)
Baybay Duyaw
baybay idiay Amianan a daya nga Asia / From Wikipedia, the free encyclopedia
Ti Baybay Duyaw ket ti nagan a naited iti akin-amianan a paset ti Baybay Daya a Tsina, a daytoy ket pingir a baybay iti Taaw Pasipiko. Daytoy ket mabirukan iti pagbaetan ti nangruna a daga ti Tsina ken ti Peninsula Korea. Ti naganna ket nagtaud manipud kadagiti partikula ti darat manipud kadagiti bagio ti darat ti Desierto Gobi a mangbaliw ti maris ti rabaw ti danum iti nabalitokan a duyaw.
Baybay Duyaw | |||||||||||
![]() | |||||||||||
Nagan nga Insik | |||||||||||
---|---|---|---|---|---|---|---|---|---|---|---|
Napalaka nga Insik | 黄海 | ||||||||||
Tradisional nga Insik | 黃海 | ||||||||||
Literal a kaibuksilan | baybay duyaw | ||||||||||
| |||||||||||
Nagan a Koreano | |||||||||||
Hangul | 황해 wenno 서해 | ||||||||||
Hanja | 黃海 wenno 西海 | ||||||||||
Literal a kaibuksilan | baybay duyaw wenno baybay laud | ||||||||||
|
Ti akin-uneg unay a luek ti Baybay Duyaw ket tinawtawagan ti Baybay Bohai (sigud a Luek Pechihli wenno Luek Chihli). Agayus ditoy ti Karayan Duyaw (babaen ti probinsia ti Shandong ket ti kapitoliona iti Jinan) ken Hai He (babaen ti Beijing ken Tianjin). Dagiti deposito ti darat ken lan-ak manipud kadagitoy a karayan ket mangited iti maris ti baybay.
Ti akin-amianan a gay-at ti Baybay Duyaw ket tinawtawagan iti Luek Korea.